რადას კომიტეტმა მადლიერების დღის აღნიშვნა დაამტკიცა

რადას ჰუმანიტარული და საინფორმაციო პოლიტიკის კომიტეტი. ფოტო: «Расколам.нет»

უმაღლესი რადას ჰუმანიტარული და საინფორმაციო პოლიტიკის კომიტეტმა დაამტკიცა ინიციატივა სექტემბრის ბოლო კვირას უკრაინაში მადლიერების დღე აღინიშნოს, იუწყება Detector Media. ეს დღე არ იქნება უქმედ გამოცხადებული, რაც იმას ნიშნავს, რომ დამატებითი ხარჯების გაღება არ იქნება საჭირო.

ამ ინიციატივის თანახმად, მთავრობა  უკრაინული ეკლესიების საბჭოს და რელიგიური ორგანიზაციების წარმომადგენლების ჩართულობით შეიმუშავებს და სამი თვის განმავლობაში დაამტკიცებს მადლიერების დღის აღნიშვნის ღონისძიების გეგმას სახელმწიფო დონეზე.

კომიტეტის თავმჯდომარის, ნიკიტა პოტურაევის თქმით, ამ პროექტს „აქვს ყველა მორწმუნეს გამაერთიანებელი მიზანი, განურჩევლად რელიგიური აღმსარებლობისა“ და ასევე აჩვენებს, რომ „სინდისის თავისუფლება უკრაინის სახელმწიფოებრიობის ერთ-ერთი ქვაკუთხედია“.

სახალხო დეპუტატმა ვლადიმერ ვიატროვიჩმა ევრო-სოლიდიტიდან, რომელმაც ხმის მიცემისგან თავი შეიკავა, თქვა, რომ უკრაინაში სახელმწიფო დონეზე უნდა აღინიშნოს ის რელიგიური დღესასწაულები, რომლებიც უკრაინული ტრადიციის ნაწილია და "ღრმად არის ფესვგადგმული" უკრაინელი ხალხის კულტურაში.

როგორც მჟკ იტყობინება, უკრაინაში მადლიერების დღის დაწესების შესახებ  რადაში უკვე შევიდა განსახილველად ორი კანონპროექტი. 2023 წლის 7 აგვისტოს უმაღლესმა რადამ დაარეგისტრირა 9574-ე კანონპროექტი, რომლის ავტორიც გეორგი მაზურაშია ახალი დღესასწაულის, „მადლიერების დღის“ შემოღების ინიციატივით და გვთავაზობს 22 ოქტომბრის დასვენების დღედ გამოცხადებას. ოქტომბერში შემოღებულ იქნა კანონპროექტი ნომრით 10152, რომლის ავტორიც ვიქტორ მიალიკი იყო, რომელიც სთავაზობდა მადლიერების დღის დაწესებას სექტემბრის ბოლო კვირას.