ზელენსკიმ პატრიარქ კირილს ორდენი ჩამოართვა

პრეზიდენტი იანუკოვიჩი და რუსეთის მართლმადიდებელი ეკლესიის პატრიარქი კირილი. ფოტო: Фокус

უკრაინის პრეზიდენტმა ვოლოდიმირ ზელენსკიმ ხელი მოაწერა განკარგულებას, რომლის მიხედვითაც უკრაინისა და რუსეთის 34 მოქალაქეს სახელმწიფო ჯილდოები ჩამოერთვათ. მათ შორის არიან ყოფილი უკრაინელი პოლიტიკოსები, ოფიციალური პირები, ხელოვანები, ასევე პატრიარქი კირილი. ეროვნული უშიშროებისა და თავდაცვის საბჭოს მიერ დამტკიცებული გადაწყვეტილება ძალაში შევიდა, ნათქვამია პრეზიდენტის ადმინისტრაციის ოფიციალურ ვებგვერდზე.

საუბარია არა მხოლოდ უკრაინის სახელმწიფო ჯილდოების ჩამორთმევაზე, არამედ, კერძოდ, აქტივების ბლოკირებაზე, ლიცენზიებისა და ნებართვების გაუქმებაზე და სავაჭრო ოპერაციების სრულ შეწყვეტაზე.

პატრიარქ კირილს, რუსეთის მართლმადიდებლური ეკლესიის მეთაურს, ჩამოერთვა უფლისწული იაროსლავ ბრძენის I ხარისხის ორდენი. შეგახსენებთ, რომ 2013 წელს უკრაინის მაშინდელმა პრეზიდენტმა ვიქტორ იანუკოვიჩმა ეს ორდენი პატრიარქ კირილს რუსეთის ნათლობის 1025 წლის იუბილეს აღსანიშნავად გადასცა, როგორც ეს პრეზიდენტის ბრძანებულებაშია ნათქვამი.

როგორც მჟკ იტყობინება, უკრაინის პრეზიდენტმა ვოლოდიმირ ზელენსკიმ უმაღლეს რადაში გამოსვლისას გამოაცხადა სახელმწიფო დიალოგის გაგრძელების შესახებ ქვეყნის ყველა ეკლესიასთან, გარდა უმე-ისა, რომელსაც მან მოსკოვის ეკლესია უწოდა.