სომხეთის ეკლესიამ ფაშინიანის საგადასახადო ინიციატივას მხარი არ დაუჭირა

ნიკოლ ფაშინიანი. ფოტო: primeminister.am

სომხეთის პრემიერ-მინისტრის ნიკოლ ფაშინიანის წინადადება ეკლესიის დაბეგვრის შესახებ „ავადმყოფი გონების ნაყოფია“, განაცხადა სომხური სამოციქულო ეკლესიის შირაქის ეპარქიის ხელმძღვანელმა მიქაელ აჯაფაჰიანმა, იუწყება Sputnik Armenia.

მეუფის თქმით, არსად მსოფლიოში არ არსებობს ეკლესიისგან გადასახადების აკრეფის პრაქტიკა: „ეს არცერთ ქვეყანას არ აქვს, ეს ავადმყოფი გონების ნაყოფია. დაე, ერთი ქვეყანა მაინც დაასახელოს, სადაც ეკლესიის სანთლები ქვითრით იყიდება. რაც შეეხება სსე-ის გამჭვირვალობას, ამას სალარო აპარატები არ უზრუნველყოფს“.

მიხეილ აჯაფახიანმა ხაზგასმით აღნიშნა, რომ ეკლესია გამჭვირვალეა თავის მსახურებასა და მისიაში. გარდა ამისა, მან გაიხსენა, რომ პრემიერ-მინისტრი დაპირდა, რომ სსე-ში კორუმპირებულ სასულიერო პირებს აღმოაჩენდა, მაგრამ სასურველ შედეგს ვერ მიაღწია.

მანამდე ნიკოლ ფაშინიანმა შვეიცარიაში დიასპორის წარმომადგენლებთან შეხვედრისას განაცხადა სსე-ის საქმიანობის გამჭვირვალობის უზრუნველყოფის აუცილებლობაზე. კერძოდ, ის დაინტერესდა, რატომ არ გასცემს ეკლესია ქვითრებს სანთლების გაყიდვისას.

გარდა ამისა, სომხეთის პრემიერ-მინისტრმა გამოთქვა მოსაზრება, რომ სომხური დიასპორის წარმომადგენლებს შორის მიმდინარეობს „ემიგრაციის“ პროცესი, რაც იმას ნიშნავს, რომ ქვეყნის ფარგლებს გარეთ მცხოვრები ადამიანები ნაკლებად არიან დაკავშირებული სამშობლოსთან. მისი თქმით, ერის წინაშე ვალდებულების გადარჩენის ერთადერთ გზად პატრიოტიზმის კულტივირება რჩება.

მჟკ წერდა, რომ ფაშინიანის  განცხადებით სომხურ ეკლესიასთან სახელმწიფოს ურთიერთობაში პრობლემები იყო.