ეკლესიათა მსოფლიო საბჭო ახლადარჩეულ ალბანელ ლიდერს ულოცავს

ქრისტეს აღდგომის მართლმადიდებლური ტაძარი, ტირანა, ალბანეთი, 16 მარტი, 2025. ფოტო: Православная Церковь Албании

ეკლესიათა მსოფლიო საბჭოს გენერალურმა მდივანმა, პროფესორმა ჯერი პილეიმ მილოცვა გაუგზავნა ტირანის, დურესისა და სრულიად ალბანეთის მთავარეპისკოპოს იოანეს, იუწყება ვებგვერდი oikoumene.org.

„წმინდა სამების - მამის, ძისა და სულიწმიდის მადლმა გიხელმძღვანელოს და გაგაძლიეროს თქვენს ახალ მსახურებაში, როცა მწყემსობთ მორწმუნეებს და მოწმობთ ქრისტეს სახარებაზე ალბანეთში და მის ფარგლებს გარეთ“, - წერს პრესვიტერიანი პასტორი პილეი.

„ალბანეთის ეკლესიის წინამძღვრად თქვენი არჩევა არის თქვენი ღრმა თეოლოგიური სიბრძნის, ურყევი რწმენისა და ალბანეთის მართლმადიდებლური ეკლესიის დაუღალავი სამსახურის აღიარება“, - აღნიშნა პილეიმ და მადლობა გადაუხადა არჩეული არქიეპისკოპოსის აქტიური როლისთვის ემს-ის საქმიანობაში.

გენერალური მდივნის თქმით, ახალი ალბანელი წინამძღვრის მსახურება იწყება იმ დროს, როდესაც სამყაროს „იმედები, განკურნება და შერიგება ძალიან სჭირდება“.

პილეიმ დაარწმუნა მისი უნეტარესი ლოცვებსა და მხარდაჭერაში. „ღმერთმა მოგცეთ სიბრძნე, ძალა და კურთხეული წელიწადი თქვენს წმინდა მსახურებაში“, - დაასკვნა მან.

ასევე ემს-ის ვებგვერდზე გამოქვეყნდა მისალოცი სიტყვები ეკლესიათა მსოფლიოი საბჭოს ცენტრალური კომიტეტის მოდერატორის ეპისკოპოს ჰაინრიხ ბედფორდ-სტრომისგან. "არჩევანი არ შეიძლებოდა ყოფილიყო უკეთესი," - თქვა მან. ”თქვენი გამოცდილებით, თქვენი სულიერი სიძლიერით, თქვენი თეოლოგიური სიღრმით, თქვენ იქნებით ალბანეთის ეკლესიის კურთხევა.”

მჟკ კავშირი წერდა, რომ ალბანეთის ეკლესიის ახალი წინამძღვარი კორჩას მიტროპოლიტი იოანე გახდა.