ისრაელელმა ჯარისკაცმა ლოცვის დროს მეჩეთში ყუმბარა ისროლა

ისრაელის არმიის ჯარისკაცმა პალესტინაში მეჩეთში ხელყუმბარა ისროლა, იუწყება The Times of Israel.

შემთხვევა პალესტინის სოფელ ბუდრუსში მოხდა. სამხედრო პირი მეჩეთის შესასვლელთან მივიდა და შიგნით ყუმბარა ისროლა, რის შემდეგაც აფეთქება მოხდა. ამ დროს ლოცვა ისმოდა - იმამი მორწმუნეებს დილის ლოცვაზე მოუწოდებდა.

ისრაელის თავდაცვის ძალებმა (ცახალი) განაცხადეს, რომ ჯარისკაცი დაითხოვეს და მის ქმედებებს "უკიდურესად სერიოზული" უწოდეს.

მჟკ წერდა, რომ კონგრესმენისა და ამერიკელი სამხედრო ვეტერანის ბრაიან მასტის თქმით, ღაზას სექტორში უდანაშაულო პალესტინელები არ არიან.