უნეტარესი კსას-ის სტუდენტებსა და პედაგოგებს: სირთულეებმა არ გაგტეხეს
„ჩვენ ვხედავთ ადამიანებს, რომლებიც სირთულეების გამო არ გატყდნენ, და გახდნენ უფრო ძლიერები და უფრო სრულყოფილები“,- თქვა უმე-ს წინამძღვარმა კიევის სასულიერო სკოლების დასკვნით სხდომაზე.“
კიევის გოლოსეევოს მონასტერში გაიმართა კიევის სასულიერო სკოლების 2023/2024 სასწავლო წლის სამეცნიერო საბჭოს დასკვნითი სხდომა. როგორც კსას-ს საიტი იტყობინება, 2024 წლის 11 ივნისის კრება გაიმართა კიევისა და სრულიად უკრაინის უნეტარესი, მიტროპოლიტ ონუფრის ხელმძღვანელობით.
სხდომაში მონაწილეობა მიიღეს კიევის სასულიერო აკადემიისა და სემინარიის რექტორმა, ბელოგოროდის არქიეპისკოპოსმა სილვესტერმა, გოლოსეევოს პოკროვის მამათა მონასტრის მმართველმა, ვორზელის არქიეპისკოპოსმა ისააკმა, პრორექტორმა აღმზრდელობით საქმეში, ზგუროვსკის ეპისკოპოსმა ამბროსიმ, სასულიერო სკოლების პროფესორ-მასწავლებელთა კორპორაციის წევრებმა.
თავის შესავალ სიტყვაში არქიეპისკოპოსმა სილვესტერმა მადლობა გადაუხადა მეუფე ისააკს კიევის სასულიერო სკოლების ახალ ადგილას ფუნქციონირების შესაძლებლობისათვის. მისი სიტყვებით, ეს ადგილი ნაკურთხია ლოცვებით წმინდა პეტრე მოგილისადმი, რომელიც არამარტო კიევის სასულიერო აკადემიის,არამედ გოლოსეევოს სავანის დამაარსებელი იყო. „ამ დროისათვის სამეცნიერო საბჭო არის კიევის სასულიერო სკოლების არსებობის მტკიცებულება პერსპექტივაში, რომელიც იწყება შორეულ ისტორიულ წარსულში“,-თქვა მეუფემ.
ამის შემდეგ სასწავლო დაწესებულების რექტორმა სიტყვა მისცა უნეტარეს მიტროპოლიტ ონოფრეს, რომელმაც აღნიშნა, რომ გასული წელი იყო მძიმე.
„თუმცა სირთულეები პირიქით, ეხმარება ადამიანს. სირთულე ადამიანს სრულყოფილს ხდის. გასაჭირი ეხმარება ადამიანს შეიმეცნოს ღვთის საჩუქარი, რომლითაც დაჯილდოვებულია ყველა. პროფესორ-მასწავლებლების, სტუდენტებისა და აღსაზრდელების სახით ჩვენ ვხედავთ ადამიანებს, რომლებიც სირთულეებმა ვერ გატეხეს, პირიქით, უფრო ძლიერები და სრულყოფილები გახდნენ“,-თქვა უმე-ს წინამძღვარმა.
მისი სიტყვებით, ადგილის შეცვლამ არ უნდა შეცვალოს კეთილი განზრახვა.
„სასულიერო სკოლების მიზნები სრულიად უკრაინის მართლმადიდებელი ეკლესიისათვის მთავარი და პრიორიტეტულია და ინარჩუნებს თავის მისიას - სწავლება და ღმერთის შეცნობა მაძიებლების მიერ“,-დაასკვნა უნეტარესმა და მადლობა გადაუხადა ყველას სასწავლო წლის განმავლობაში გაწეული შრომისთვის.
როგორც მჟკ წერდა, კიევის სასულიერო სკოლებში მონაზვნად აღკვეცეს ორი სტუდენტი.
