მასკის ტრანსგენდერი ქალიშვილი, ტრამპის არჩევნებში გამარჯვების გამო აშშ-ს დატოვებს
მოზარდმა თქვა, რომ მაშინაც კი, თუ ტრამპის ანტიტრანსგენდერული წესები არ ამოქმედდება, ხალხი, ვინც მათ ხმა მისცა, არსად წავლენ.
ტექნიკური მაგნატისა და მილიარდერის, ილონ მასკის ტრანსგენდერმა ქალიშვილმა, 20 წლის ვივიან ჯენა უილსონმა, რომელმაც წარსულში სქესი შეიცვალა, ისაუბრა აშშ-ს დატოვებაზე რესპუბლიკელი დონალდ ტრამპის გამარჯვების შემდეგ, რომელიც საპრეზიდენტო არჩევნებში საგრძნობლად უსწრებდა კამალა ჰარისს. ამის შესახებ მან Threads-ის გვერდზე დაწერა, იუწყება focus.ua.
Threads-ზე თავის პოსტებში უილსონი ლაპარაკობს, რომ ადრეც ფიქრობდა შეერთებული შტატებიდან გადასვლაზე, მაგრამ ტრამპის არჩევნებში გამარჯვებამ მას ეს გადაწყვეტილება საბოლოოდ მიაღებინა.
გოგონას არ დაუკონკრეტებია, თუ რომელ ქვეყანაში აპირებს გადასვლას და წერს: ”მე ვერ ვხედავ ჩემს მომავალს შეერთებულ შტატებში. მაშინაც კი, თუ ის [ტრამპი] თანამდებობაზე მხოლოდ 4 წელი დარჩება, თუნდაც ანტიტრანსგენდერული კანონები ჯადოსნურად არ ამოქმედდეს. ხალხი, ვინც ნებაყოფლობით მისცა ხმა ამას, არსად წავლენ.”
ვივიანის დედამ, მწერალმა ჯასტინ უილსონმა ტექნიკური მაგნატისგან ოთხი შვილი გააჩინა. მათი პირმშო 10 კვირის შემდეგ გარდაიცვალა ჩვილების უეცარი სიკვდილის სინდრომისგან. 2004 წელს უილსონმა გააჩინა ტყუპი ბიჭები ქსავიე და გრიფინი.
მასკის ვაჟი, ქსავიერ ალექსანდრე მასკი, ოფიციალურად ტრანსგენდერი გახდა 2022 წელს და სახელი შეიცვალა, ვივიან ჯენა უილსონი გახდა. მოზარდმა სქესის შეცვლა ახსნა, როგორც ბიოლოგიურ მამასთან „ნებისმიერი სახის ნათესაობის“ მოშორების სურვილი.
ვივიანის დედამ თქვა, რომ ის ამაყობს თავისი ტრანსგენდერი ქალიშვილით.
ილონ მასკი, რომელიც იმ მშობლებისა და ექიმებისთვის უვადო თავისუფლების აღკვეთის ინიციატივით გამოდიოდა, რომლებიც ბავშვებს ტრანსგენდერული ტრანზიციის უფლებას აძლევენ, თქვა, რომ მას მოტყუებით მოაწერინეს ხელი პროცედურაზე თანხმობის მისაღებად. მისი თქმით, ამის შედეგად შვილი დაკარგა.
”ეს იყო მანამ, სანამ გავიგებდი თუ რა ხდებოდა. COVID ვრცელდებოდა, ამიტომ იყო დიდი დაბნეულობა და მე მითხრეს, რომ ქსავიერმა შეიძლება თავი მოიკლას, თუ ამას არ გააკეთებდა“, - თქვა ილონ მასკმა.
ამერიკელმა მილიონერმა ადრე განაცხადა, რომ ვივიანი დაიბადა "გეი და ცოტა აუტისტი".
მანამდე მჟკ წერდა ელონ მასკის განცხადების შესახებ: ჩემი შვილი "მკვდარია" პუბერტატის ბლოკატორების მიღების გამო.
