უკრაინის გენერალურმა პროკურატურამ რუსეთის მართლმადიდებლური ეკლესიის ოთხ ეპისკოპოსს ბრალი წარუდგინა
ეპისკოპოსებს ბრალი ედებათ „უკრაინის ეკლესიების ქონების ჩამორთმევის ხელშეწყობაში“.
გენერალურმა პროკურატურამ ეჭვი რუსეთის ეკლესიის ოთხ ეპისკოპოსს ეჭვმიტანილის ცნობა გადასცა, იუწყება გენერალური პროკურატურის ვებგვერდი.
„რუს ეპისკოპოსებს უკრაინის ტერიტორიული მთლიანობისა და ხელშეუხებლობის ხელყოფაში თანამონაწილეობისთვის ედებათ ბრალი (უკრაინის სისხლის სამართლის კოდექსის 27-ე მუხლის მე-5 ნაწილი, უკრაინის სისხლის სამართლის კოდექსის 110-ე მუხლის მე-3 ნაწილი)“ - ნათქვამია ტექსტში.
გენერალური პროკურატურა ირწმუნება, რომ 2022-2023 წლებში ეპისკოპოსებმა ხელი შეუწყეს უკრაინის ეკლესიების ქონების ჩამორთმევას ზაპოროჟიეს, ლუგანსკის და ხერსონის რეგიონების დროებით ოკუპირებულ რაიონებში, ასევე ყირიმში.
„რუსული სინოდის გადაწყვეტილების შესრულებით უკრაინული რელიგიური თემების რუსეთის მართლმადიდებლურ ეკლესიასთან „შეერთების“ შესახებ, მათ მიიტაცეს საეკლესიო შენობები და მიწები ჯანკოის, ბერდიანსკის, როვენკოვოსა და ხერსონის ეპარქიებში. ეჭვმიტანილებმა იქ ეპისკოპოსები თავიანთი კონტროლის ქვეშ დანიშნეს. მათ მრევლს შემოახვიეს კრემლის ნარატივები, აკურთხეს რუსეთის ომი უკრაინის წინააღმდეგ და გაამართლეს ოკუპანტების დანაშაული“, - ნათქვამია ტექსტში.
უკრაინის უსაფრთხოების სამსახურმა განაცხადა, რომ ეჭვმიტანილის ცნობები გადასცეს: ომსკისა და ტაურიდის მიტროპოლიტს დიონისეს, პეტერბურგის მიტროპოლიტს ბარსანუფიუსს, ვოლოკოლამსკის მიტროპოლიტს ანტონის და კრუტიცისა და კოლომნას მიტროპოლიტ პაველს.
ადრე მჟკ წერდა, რომ უმე-ის ეპისკოპოსები ეწინააღმდეგებიან რუსეთის მართლმადიდებლური ეკლესიის ქმედებებს რუსეთის ფედერაციის მიერ ოკუპირებულ ტერიტორიებზე.
