მეუ-ში უმე-ს მორწმუნეები ფსიქიკურ აშლილობებში დაადანაშაულეს
გრიშჩუკი ამტკიცებს, რომ უმე-ს მღვდლები „მოსკოვის მსახურები“ არიან, რომლებიც უსძ-ის ჯარისკაცებს კლავენ.
მეუ-ს კლირიკოსმა რომან გრიშჩუკმა, რომელმაც ცოტა ხნის წინ საკუთარი ფსიქიკური ჯანმრთელობის ცნობა გამოააშკარავა, თავის Facebook-ზე დაწერა, რომ უკრაინელებს, რომლებიც უმე-ს მიეკუთვნებიან, სერიუზული ფსიქიკური აშლილობების კომპლექსი აქვთ. ის აღშფოთდა, რომ „ბუკოვინის დაღუპულ გმირთა ნახევარს დღემდე წესს უგებენ მოსკოველი ხუცესები“.
„ორჯერ მოკლული: ასე უწოდებენ მებრძოლებს, რომლებსაც ჯერ კლავენ და მერე მოსკოვის მსახურები უგებენ წესს. ორჯერ მოკლული: ვინაიდან ვინც კლავს, ის უგებს წესს!“, - განაცხადა გრიშჩუკმა.
მისი აზრით, უკრაინელებს, რომლებიც უმე-ს ტაძრებში დადიან, აქვთ „კომპლექსებისა და ფსიქიკური აშლილობების რაღაც საოცარი კომპლექსი“.
„ეს არის სტოკჰოლმის სინდრომი არასრულფასოვნების კომპლექსთან და სუიციდურ მანიასთან ერთად!“, - დიაგნოზს სვამს მეუ-ს კლირიკოსი. „არც ერთ რუს დედას არ მოუნდება, რომ მის უკრაინაში მიკლულ შვილს წესი აუგონ უკრაინულ ენაზე მღვდლებმა, რომლებიც კიევს ექვემდებარებიან!“, - ირწმუნებოდა გრიშჩუკი.
მეუ-ს კლირიკოსის პოსტმა გამოიწვია მკითხველთა მძაფრი რეაქცია.
“თქვენ რა, ბუკოვინაში მოსკოველი ხუცესები გყავთ? უკრაინაში არის მხოლოდ უმე, სადაც ლოცულობენ ჩვენი ქვეყნის მშვიდობისთვის და სიმშვიდისთვის, ჩვენი ქვეყნის მცველებისთვის, ჩვენი მშობლიური უკრაინისთვის, ჩვენთვის და თქვენთვის”, - დაწერა კომენტარებში ნადია კარაშჩუკმა.
„სიცრუე! გაორმაგებული სიცრუე. უკრაინაში მოსკოვის ეკლესია არ არსებობს, მოსკოვის ეკლესია „მოსკოვიაშია“, უკრაინაში არის უკრაინის მართლმადიდებელი ეკლესია, ქრისტეს ეკლესიის დამოუკიდებელი და სრულუფლებიანი ნაწილი. და მეორე, - მანამდე მეუ-სექტა ადანაშაულებდა უმე-ს იმაში, რომ მას თითქოს არ სურს წესი აუგოს და დაკრძალოს ომში დაღუპული უსძ-ის მებრძოლები. ახლა კი საწინააღმდეგო ბრალდებებს უყენებენ, რომ უმე წესს უგებს და კრძალავს დაღუპულებს“, - აღნიშნა ვასილ სიკორამ.
მაგრამ არიან ისეთი მკითხველებიც, რომლებიც გრიშჩუკს უჭერენ მხარს. ანა ტკაჩუკი აღშფოთებულია, რომ უსძ-ის ჯარისკაცები ჩამოდიან სახლში და მსახურებაზე უმე-ს ტაძრებში მიდიან: „რაზეა ლაპარაკი, როდესაც ბუკოვინელ მეომერთა ნახევარი, ომში ჯოჯოხეთგამოვლილები, ჩამოდიან შვებულებით და მოსკოვის ეკლესიაში მიდიან“.
„სამწუხაროდ, ვოლინშიც მოსკოველი ხუცესები უგებენ წესს, განსაკუთრებით პოლესიეში... მოსკოველ მონებში სინდისი თვლემს“, - ჩიოდა ოლია კლიცუკი.
შეგახსენებთ, რომ გრიშჩუკმა დაადანაშაულა უმე იმაში, რომ უკრაინა ყოველდღიურად კარგავს თითო დასახლებულ პუნქტს. მოგვიანებით გრიშჩუკმა განაცხადა, რომ ის ფსიქიკურად ჯანმრთელია და ცნობაც წარადგინა.
