ისლამის მუფტმა მხარი დაუჭირა ლავრაში გამართული კულინარული შოუს ავტორებს

უკრაინის მუსულმანთა სულიერი მმართველობის მუფტმა საიდ ისმაჰილოვმა თავის ფეისბუქ გვერდზე კომენტარი გააკეთა იმ სიტუაციაზე, რომელიც შეიქმნა კიევ-პეჩერის ლავრის სატრაპეზო ტაძრის გარშემო. „რადგან აკიმ გალიმოვისა და ევგენია კლოპოტენკოს გადაღებების გარშემო ატეხილი „სკანდალი“ უკვე რამდენიმე დღეა არ ცხრება, გეტყვით პირდაპირ - მუსულმანები რამადანის თვეში მეჩეთში პირდაპის ხალიჩებზე ვახშმობენ და ეს სწორად და ღმერთისთვის სათნოდ მიაჩნიათ“, - მხარი დაუჭირა მან მართლმადიდებელ ტაძარში გამართული სკანდალური შოუს ავტორებს.

 

მისი მტკიცებით, „სუფთა საკვები კეთილი ადამიანებისგან ვერ დააკნინებს ტაძარს და სალოცავი ადგილის სიწმინდეს“.

ფილოსოფიურ მეცნიერებათა კანდიდატმა, პოლიტიკურმა მიმომხილველმა და უკრაინელმა პუბლიცისტმა იგორ ზაგრებელნიმ მუფტის პუბლიკაციის კომენტარებში გამოხატა ინტერესი: „ჩვეულებრივ, ღორის ხორცის რა კერძებს მიირთმევენ მაშინ?“.

 

რაზეც  მან ავტორისგან მიიღო პასუხი ამ კითხვის უადგილობის შესახებ.

„რა არის აქ  არაკორექტული? ესე იგი მოვლენის შესაფასებლად, რომელიც ეხება ქრისტიანულ საკრალურ სივრცეს, ისლამის მაგალითის მოყვანა კორექტულია. ხოლო ჩემი სარკისებრი ქმედებები - არაკორექტული. ასეა?“ - დააზუსტა ზაგრებალნიმ.

 

როგორც მჟკ წერდა, უმე-მ ლავრაში კულინარული შოუს გამო სამართალდამცავ ორგანოებს მიმართა.