მაგდებურგის პროკურორმა დაასახელა ბაზრობაზე თავდასხმის შესაძლო მოტივი
ტერაქტისგან დაზარალებულთა სიაში არის ერთი უკრაინელი ქალი, ის მძიმე მდგომარეობაში საავადმყოფოში იმყოფება.
გერმანიაში, მაგდებურგში, საშობაო ბაზრობაზე მყოფ საზოგადოებაზე მანქანით სასიკვდილო თავდასხმის გამოძიება გრძელდება, იუწყება Euro News. ქალაქის პროკურორმა ჰორსტ ვალტერ ნოპენსმა შაბათს პრეს-კონფერენციაზე დაასახელა თავდასხმის შესაძლო მოტივი: ეჭვმიტანილი უკმაყოფილო იყო იმით, თუ როგორ ეპყრობოდნენ გერმანიაში ლტოლვილებს საუდის არაბეთიდან. მთავარი ეჭვმიტანილია 50 წლის თალებ აბდულმოსჰი საუდის არაბეთიდან, რომელიც 2006 წლიდან ცხოვრობს გერმანიაში. ის ცნობილი იყო ისლამოფობიური შეხედულებებით. პროკურორის სიტყვებით, წინასწარი მონაცემები მოწმობენ იმას, რომ ლტოლვილებთან დაკავშირებული სიტუაციით უკმაყოფილება შეიძლება ყოფილიყო დანაშაულის წინაპირობა.
„ამ მომენტში ყველაფერი მიუთითებს იმაზე, რომ დანაშაული გამოიწვია უკმაყოფილებამ იმის გამო, თუ როგორ ეპყრობოდნენ გერმანიაში ლტოლვილებს საუდის არაბეთიდან“, - განაცხადა ნოპენსმა.
თავდასხმის მსხვერპლი როგორც მინიმუმ 5 ადამიანია, 200-ზე მეტი დაჭრილია. დაზარალებულთა შორის არის უკრაინის მოქალაქე ქალი, დაბადებული 1972 წელს, რომელიც მძიმე მდგომარეობაში გერმანიის ერთ-ერთ კლინიკაში იმყოფება.
უკრაინის საგარეო საქმეთა სამინისტროს წარმომადგენელმა გიორგი ტიხიმ სოცქსელში X განაცხადა: „უკრაინის საელჩო გფრ-ში და ჩვენი კონსულები მუდმივ კავშირში არიან კლინიკასთან, სადაც იმყოფება დაზარალებული და უწევენ მას საჭირო დახმარებას. იმედი გვაქვს, რომ ჩვენი მოქალაქე მალე გამოჯანმრთელდება“. მაგდებურგის მაცხოვრებლებს მიაქვთ ყვავილები და ანთებენ სანთლებს მემორიალთან, რომელიც დადგეს საშობაო ბაზრობასთან. ინციდენტმა ფართო რეზონანსი გამოიწვია და გახდა საბაბი იმისთვის, რომ განეხილათ გერმანიის სამიგრაციო პოლიტიკისა და უსაფრთხოების საკითხები.
როგორც მჟკ იუწყებოდა, გერმანიის ქალაქ მაგდებურგში 20 დეკემბრის საღამოს საშობაო ბაზრობაზე ავტომობილი შეიჭრა ხალხში. დაიღუპა ორი ადამიანი, მათ შორის ბავშვი. 68 დაიჭრა, 15 მათგანი - მძიმე ტრავმებით.
