მეუ-ს იდეოლოგია ხალხისა და ქვეყნის გაყოფას იწვევს, - უმე-ს სპიკერი
უმე-ში ლაპარაკობენ კანონიკურობისა და არაკანონიკურობის შესახებ, ხოლო მეუ-ში - ნამდვილ და არანამდვილ უკრაინელებზე, კონსტატირებდა დეკანოზი ნიკოლოზ დანილევიჩი.
ხალხის ნამდვილ და არანამდვილ უკრაინელებად დაყოფის იდეოლოგია ის გზა არ არის, რომელიც ქვეყანას და ხალხს აერთიანებს. ამის შესახებ უმე-ს საგარეო საეკლესიო კავშირების განყოფილების უფროსის მოადგილემ, დეკანოზმა ნიკოლოზ დანილევიჩმა თქვა იან ტაქსიურის პროგრამაში „რწმენის უფლება“ «Перши Козацки»-ზე, როდესაც მეუ-ს მომხრეთა საქციელზე და რიტორიკაზე აკეთებდა კომენტარს.
მღვდელმსახურმა აღნიშნა, რომ უმე-ში მეუ-ზე იმ შემთხვევაში ლაპარაკობენ, როდესაც საჭიროა რეაგირება რაღაც მოვლენებზე და უკრაინული საზოგადოებისთვის იმის ახსნა, თუ სად არის სიმართლე და სად - ტყუილი. გარდა ამისა, აღნიშნა მან, „ჩვენ ვამბობთ, რომ უკრაინელები ვართ, თქვენც უკრაინელები ხართ, მაგრამ ჩვენ კანონიკური ეკლესია ვართ, თქვენ - არაკანონიკური“.
„რას გვეუბნებიან ისინი: ახლა თქვენ განხეთქილებაში ხართ და მეტიც, უკრაინელები კი არ ხართ, არამედ - „მოსკალები“, „ვატა“ და ა.შ.“, - კონსტატირებდა მამა ნიკოლოზი და დაამატა, რომ სახელმწიფო მოღვაწის ადგილზე „აუკრძალავდა მათ ამაზე ლაპარაკს, რადგან ისინი ხალხს სწორედ ნაციონალური ნიშნით ყოფენ“.
უმე-ს სპიკერმა განმარტა, რომ ეს კონფესიური, რელიგიათშორისი კამათია - ქვეყანაში ბევრი კონფესიაა, მაგრამ რელიგიური კუთვნილების მიუხედავად ყველა უკრაინის მოქალაქეები არიან. თუმცა მეუ-ს მომხრეები ამბობენ: ჩვენ ნამდვილი უკრაინელები ვართ, თქვენ კი - არა, თქვენ უნდა გაგაძევოთ ქვეყნიდან.
„სინამდვილეში ეს სახელმწიფო უსაფრთხოებისთვის საშიშროებას წარმოადგენს, რადგან ეს ქვეყნის გაყოფას იწვევს. როდესაც ისინი გვადანაშაულებენ, რომ „მოსკოვის მეხუთე კოლონა ვართ“, სწორედ ამაშია პრობლემა. სწორედ ასეთი იდეოლოგია იწვევს ქვეყანაში სხვა ხალხის გაუცხოვებას. ეს არის ერთ-ერთი მიზეზი, რატომაც განვითარდა ჩვენში ყირიმისა და დონბასის მოვლენები, როდესაც ნაწილი ტერიტორიებისა დავკარგეთ, მეორე ნაწილზე კი ომს ვაწარმოებთ. იმიტომ რომ ამ ხალხმა თავი უცხოდ იგრძნო ქვეყნის ახალ იდეოლოგიურ პირობებში. ამიტომაც ეს ის იდეოლოგი არ არის, რომელიც ჩვენს ქვეყანას გააერთიანებს, არ არის ის გზა, რომელიც დააწყნარებს და ერთიანს გახდის ჩვენს ქვეყანასა და ხალხს“, - ხაზი გაუსვა დეკანოზმა ნიკოლოზ დანილევიჩმა.
მანამდე დაკანოზმა ნიკოლოზ დანილევიჩმა მოუწოდა, რომ უმე-ს მორწმუნეები მტრებად არ წარმოადგინონ და არ უწოდონ მათ „მოსკალები“ და „როსიანები“.
