შეამტვრიეს აღსავლის კარი და საკურთხეველში შევიდნენ: კრემენჩუგში მეუ-მ ტაძარი მიიტაცა
დუმენკოს სტრუქტურაში განაცხადეს, რომ ამგვარად ისინი ინვენტარიზაციას ატარებენ.
2024 წლის 27 დეკემბერს კრემენჩუგში მეუ-ს წარმომადგენლებმა ახსნეს ბოქლომები და შეიჭრნენ უკრაინის მართლმადიდებელი ეკლესიის მიძინების ტაძარში. ტაძრის Facebook-გვერდზე გამოქვეყნებულ განცხადებაში აღწერილია მეუ-ს წარმომადგენელთა ქმედებები და მათი შეურაცხმყოფელი საქციელი.
„მეუ-ს რეიდერებმა ახსნეს ბოქლომები და შევიდნენ მიძინების ტაძარში ეკლესიის ქონების ეგრეთ წოდებული ინვენტარიზაციის ჩასატარებლად. ეს ყველაფერი ხდებოდა სამართალდამცავთა თანხლებით და თანხმობით“, - ნათქვამია უწყებაში.
განცხადების თანახმად, მეუ-ს აქტივისტებმა „შეამტვრიეს კანკელის აღსავლის კარი და საკურთხეველში შევიდნენ“. განსაკუთრებულ აღშფოთებას იწვევს ის ფაქტი, რომ საკურთხეველში შევიდა ერთ-ერთი აქტივისტი ქალი, მიუხედავად იმისა, რომ საეკლესიო კანონებით იქ ყოფნა მხოლოდ მღვდლებს და მათ თანაშემწეებს შეუძლიათ.
„აქტივისტები აგრესიულად იქცეოდნენ, თავხედობდნენ, უხეშობდნენ და ილანძღებოდნენ. რეიდერებს არ სწამთ ღმერთი, ეს ხალხი საზოგადოების განხეთქილებას იწვევს და რელიგიურ მტრობას თესავს“, - განაცხადეს მიძინების ტაძრის წარმომადგენლებმა.
მიტაცებას ხელმძღვანელობდა არქიმანდრიტი თეოდოსი ოვჩარუკი, რომელსაც აკრძალული აქვს მღვდლობა.
განცხადებაში აგრეთვე აღნიშნულია, რომ მათ შორის, ვინც იქ ქონების აღწერისთვის მივიდა, არ იყვნენ ისეთი ადამიანები, ვისაც ადრე ტაძრისთვის რამე გაუკეთებია. „რეიდერები, რომლებიც მოვიდნენ, რომ უმე-ს რელიგიურ გაერთიანებას ქონება წაართვან“, - ხაზი გაუსვეს პუბლიკაციაში.
არსებული მონაცემებით, მეუ-ს აქტივისტები გეგმავენ თავიანთი „ღვთისმსახურების“ ტაძარში ჩატარებას 29 დეკემბერს.
როგორც მჟკ იუწყებოდა, ოქტომბერში მიძინების ტაძარი უმე-ს მრევლმა დაიცვა „ბალაკლავიანი“ადამიანებისგან, მაგრამ ის პოლიციის მიერ იყო დალუქული.
