რუსეთში რმე-ის მღვდელი დააკავეს უკრაინის დროშის საარქივო ფოტოს გამო
მღვდელი ნიკოლოზ სავჩენკო 15 დღით დააკავეს.
სანქტ-პეტერბურგის რუსული მართლმადიდებლური ეკლესიის სასულიერო პირი, მამა ნიკოლოზ სავჩენკო პოლიციამ 2014 წლის ფოტოს გამო დააკავა, რომელშიც მღვდელი უკრაინის დროშით ხელშია გამოსახული. დაკავების შესახებ იტყობინება ტელეგრამის არხი ,,ქრისტიანები ომის წინააღმდეგ’’, თავად მღვდლის პუბლიკაციაზე დაყრდნობით.
„ეკლესიიდან პირდაპირ პოლიციაში გადამიყვანეს, სადაც აღძრეს ადმინისტრაციული საქმე 2014 წლის 1 მაისს გადაღებულ ფოტოზე, სადაც ხელში უკრაინის დროშა მეჭირა წარწერით „ნევსკის პერსპექტივა უკრაინასთან მშვიდობისთვის“. „ეს იყო 11 წლის წინ, როცა სროლა იწყებოდა და იყო პირველი მსხვერპლი“, - წერს მამა ნიკოლოზი.
მისი თქმით, სამართალდამცავებმა საარქივო ფოტოზე უკრაინის ეროვნული დროშის გამოსახულება "უკრაინელი ნაციონალისტების ორგანიზაციის სიმბოლოების დემონსტრირებად" შეაფასეს.
„მეტი ბრალდება არ აქვთ. ახლა სასამართლოში დამკითხეს და 14 დღიანი პატიმრობა მომისაჯეს. ამიტომ 14 დღით არ ვიქნები მსახურებაზე“, - წერს მღვდელი.
მჟკ-მა დაწერა, რომ ომსკში უნიატური სამრევლო დაიხურა შუხევიჩთან და ბანდერასთან ხატის გამო.
