პატრიარქმა ბართლომეოსმა ერდოღანთან ერთად მუსულმანურ იფთარზე ივახშმა
მსოფლიო პატრიარქი ჩაფრინდა ანკარაში მუსულმანურ ვახშამზე დასასწრებად
2025 წლის 27 მარტს მსოფლიო პატრიარქი ბართლომეოსი ანკარაში თურქეთის პრეზიდენტის რეჯეფ თაიფ ერდოღანის მიწვევით ჩავიდა ბეშტეპეს პრეზიდენტის სასახლეში ორგანიზებულ იფტარში (საღამოს მარხვა რამადანის დროს), წერს Orthodox Times.
ვახშამი თურქეთში ოფიციალური ვიზიტით მყოფი სომალის პრეზიდენტის, ჰასან შეიხ მაჰმუდის პატივსაცემად გაიმართა.
განსაკუთრებული პატივისცემის ნიშნად მსოფლიო პატრიარქი პრეზიდენტ ერდოღანის მარცხნივ იჯდა, რაც ღონისძიების ოფიციალურ ფოტოებზეა აღბეჭდილი.
ვახშამს ოცდაათამდე გამორჩეული სტუმარი ესწრებოდა, მათ შორის თურქეთის მაღალჩინოსნები: ეროვნული თავდაცვის, შინაგან საქმეთა, კულტურისა და ტურიზმის მინისტრები, ეროვნული დაზვერვის ორგანიზაციის ხელმძღვანელი და რელიგიის საკითხთა პრეზიდენტი.
პატრიარქმა ბართლომეოსმა პრეზიდენტ ერდოღანთან პირადი, გულითადი საუბარი გამართა, რომლის დროსაც მან ისაუბრა მსოფლიო საპატრიარქოსა და თურქეთის ბერძენი მართლმადიდებლური თემის შესახებ. პრეზიდენტი ერდოღანი ყურადღებით ისმენდა და დაინტერესდა განხილული საკითხებით.
მანამდე მჟკ დაწერა, რომ თურქეთი პატრიარქ ბართლომეოსგან ხელმოწერის ახსნა-განმარტებას ითხოვდა „მშვიდობის სამიტის“ კომუნიკეზე, რის შემდეგაც პატრიარქმა ის უკან გამოითხოვა.
