კერსტენცში ფერიცვალების ეკლესიის 250 წევრმა უმე-ს მიმართ ერთგულება დაადასტურა

2025 წლის 28 თებერვალს ბუკოვინის სოფელ კერსტენცის უმე-ს ხოტინსკის მაცხოვრის ფერიცვალების რელიგიურმა გაერთიანებამ, თავის წინამძღვართან ვლადიმერ ტიმოფეევთან ერთად, დაადასტურა თავისი ერთგულება უკრაინის მართლმადიდებელი ეკლესიის მიმართ უნეტარესი მიტროპოლიტის ონოფრეს წინამძღოლობით. ამის შესახებ იუწყება გვერდი  «Верные Черновицко-Буковинской епархии».

ხმა მისცა ყველა 250 მორწმუნემ, რომლებიც იქ ესწრებოდნენ.

ამავდროულად მეუ-ს მომხრეთა კრება რამდენჯერმე გადაიდო. მისი ჩატარება ჯერ 28 თებერვალს იყო დაგეგმილი, მაგრამ შეიკრიბა 30-მდე ადამიანი. არასახარბიელოდ ცნობილმა კაპელანმა, რომელიც ესწრებოდა ღონისძიებას, განაცხადა, რომ ეს საკმარისი არ არის, ამიტომ კრება გადაიდო. თუმცა შემდგომში უფრო ნაკლები რაოდენობის ადამიანი მოვიდა - 25-მდე, ამიტომ კრება კვლავ გადაიდო, ამჯერად კვირისთვის, 23 მარტისთვის.

ადგილობრივი მოსახლეობის სიტყვებით, ამჯერად ამოქმედდა „კრებაზე მოზიდვის“ სხვადასხვა მეთოდი, კერძოდ, შანტაჟი, დაკომპლექტების ტერიტორიული ცენტრის საშუალებით მობილიზაციის მუქარა, მოსყიდვა და სხვა საშუალებები. თუმცა ამ მეთოდებმაც კი არ გამოიღო მოსალოდნელი შედეგი - მოვიდა 40-მდე ადამიანი.

„ორგანიზატორებმა განაცხადეს, რომ კორიდორში აგრეთვე იყო ბევრი ხალხი, სადაც, ჩვენი ინფორმაციით,  პოლიციელები იყვნენ. რა თქმა უნდა, სამართალდამცავებიც მოქალაქეები არიან, თუმცა ისინი არ არიან სოფელ კერსტენცის უმე-ს რელიგიური გაერთიანების წევრები. აშკარაა, რომ ორგანიზატორებისთვის ამას არ ჰქონდა მნიშვნელობა“, - აღნიშნეს ჩერნოვიცკის ეპარქიაში.

მეუ-ს პრეს-სამსახურში განაცხადეს, რომ თითქოს საერთო სამრევლო კრებაზე 181 „დარეგესტრირებულმა წევრმა ერთხმად მიიღო გადაწყვეტილება“ მათ სტრუქტურასთან გაერთიანების შესახებ. მათი სიტყვებით, „პროცესი შედგა კანონიკურ და იურიდიულ ნორმებთან შესაბამისად, მრევლის ნების გამოხატვით“. ფოტოზე ნათლად ჩანს, რომ დარბაზში შეიკრიბა რამდენიმე ათეული ადამიანი.

როგორც მჟკ წერდა, ჩერნოვცის ტაძარში მორწმუნეები რჩებიან მთელი ღამე იმის შიშით, რომ დაიწყება იერიში.