ჩერკასკის ეპარქია: საქსაბჭოს არ აქვს სატაძრო მიწების წართმევის უფლებამოსილება
ეკლესია უარყოფს ინფორმაციას სამი სატაძრო მიწის ნაკვეთით სარგებლობის უფლების შეჩერებაზე და მათი მიტაცების საშიშროების შესახებ აცხადებს.
უკრაინის მართლმადიდებელი ეკლესიის ჩერკასკის ეპარქიამ ოფიციალურად უარყო ინფორმაცია ქალაქში ეკლესიის მიერ მიწის ნაკვეთებით სარგებლობის უფლების დაკარგვის შესახებ. ეპარქიის იურიდიულმა განყოფილებამ დეზინფორმაცია უწოდა უწყებებს იმის შესახებ, რომ ჩერკასკის საქალაქო საბჭომ თითქოს „შეწყვიტა მუდმივი მოხმარების უფლებები“ უმე-ს სამი სატაძრო მიწის ნაკვეთზე.
განცხადების თანახმად, ჩერკასკის საქალაქო საბჭოს, მსგავსად უკრაინის სხვა ნებისმიერი საქსაბჭოსი, არ აქვს იურიდიული უფლებამოსილება დამოუკიდებლად გადაწყვიტოს უფლებების შეწყვეტა მიწის ნაკვეთებით სარგებლობაზე. უკრაინის კანონმდებლობის თანახმად, მიწის ნაკვეთების კონფისკაცია შესაძლებელია მხოლოდ მიწის მფლობელთა ნოტარიალურად დამოწმებული თანხმობის შემთხვევაში ან სასამართლოს გზით იმ შემთხვევაში, თუ მათი თანხმობა არ არის.
„უკრაინის მართლმადიდებელი ეკლესიის ჩერკასკის ეპარქიას არ მიუცია და არც მისცემს თანხმობას ამ სატაძრო კომპლექსთა მიწის ნაკვეთების კონფისკაციაზე“, - ნათქვამია განცხადებაში.
მოცემულ მიწის ნაკვეთებზე ეპაქიის მიერ აშენებულია სამი სატაძრო კომპლექსი: მოციქულ ანდრია პირველწოდებულის (დნეპრელ გმირთა ქ. 30), ქრისტეშობის (სუმგაითის ქ. 39/1) და სამი მღვდელმთავრის (ბიკენტი ხვოიკის ქ. 18). მშენებლობა დაიწყო 2001 წელს ჩერკასკის საქალაქო საბჭოს აღმასრულებელი კომიტეტის გადაწყვეტილების საფუძველზე ამ მიწის ნაკვეთების ეპარქიისადმი მუდმივ მოხმარებაში გადაცემის შესახებ.
ეპარქიის იურიდიული განყოფილება ხაზს უსვამს, რომ უკრაინის მოქმედი მიწის კოდექსის თანახმად, არსებობს ამომწურავი ჩამონათვალი მიწის ნაკვეთების მუდმივი მოხმარების უფლების შეწყვეტისთვის და არც ერთი მათგანი არ მიესადაგება მოცემულ შემთხვევას.
„ამ მიწის ნაკვეთების ან სატაძრო ნაგებობების ძალადობრივი მიტაცების ნებისმიერი მოწოდება ან მცდელობა „ჩერკასკის საქალაქო საბჭოს გადაწყვეტილებაზე“ დაყრდნობით ჩაითვლება სისხლის სამართლის დანაშაულად ყველა სამართლებრივი შედეგით პოტენციური მომწოდებლებისთვის, ორგანიზატორებისთვის ან შემსრულებლებისთვის“, - ასკვნის ჩერკასკის ეპარქია.
მანამდე მჟკ წერდა, რომ ჩერკასკის საქსაბჭომ უმე-ს სამი სატაძრო მიწის ნაკვეთი წაართვა.
