პატ. პორფირიმ ლიტურგიაზე განხეთქილების განკურნებას ღვთის სასწაული უწოდა

19 მაისს ბელგრადში, სერბეთის წმინდა საბას ტაძარში, პატრიარქმა პორფირიმ და მთავარეპისკოპოსმა სტეფანემ განხეთქილების განკურნების შემდეგ პირველი ერთობლივი ლიტურგია აღავლინეს. ინფორმაციას romfea.gr ავრცელებს.

საღმრთო ლიტურგიის შემდეგ სერბეთის მართლმადიდებელი ეკლესიის წინამძღვარმა აღნიშნა, რომ განხეთქილების დაძლევა და მაკედონიურ ეკლესიასთან კანონიკური ზიარების აღდგენა ღვთის სასწაულია.

ვიხაროთ, ძმებო, რადგან ახლა ხარობს ეკლესიის სისავსე, ხარობს ცა და მიწა, ხარობენ ყველა წმინდანნი და წმიდა საბა“, - დასძინა პატრიარქმა პორფირიმ.

თავის მხრივ, ოჰრიდისა და მაკედონიის მთავარეპისკოპოსმა სტეფანემ აღნიშნა, რომ მაკედონიის მორწმუნეები მადლობას უხდიან ღმერთს დედა ეკლესიასთან შეერთებისთვის.

მაკედონიის მართლმადიდებლური ეკლესია - ოჰრიდის მთავარეპისკოპოსი, რომელიც იბრძვის, შეინარჩუნოს სულის ერთიანობა მშვიდობით, გააგრძელებს გზას, რომელიც წარმართავს და ემსახურება მშვიდობისა და ურთიერთგანვითარების საქმეს“, - ხაზგასმით აღნიშნა მაკედონიის ეკლესიის მეთაურმა.

მანამდე მჟკ-მ განაცხადა, რომ სერბეთის ეკლესიამ განკურნა მაკედონიური განხეთქილება.