Молебное пение о благополучии семьи (из серии НОВЫЙ МОЛИТВОСЛОВ)

15 мая – международный день семьи. И мне бы хотелось напомнить нашим читателям, что Брак – в себе самом – имеет законы, без которых невозможно существование человеческого общества как такового. Как невозможно существование Вселенной при нарушении базовых констант, на которых она построена, так же и нарушение базовых законов брака неминуемо приведет к дегенеративным изменениям в среде всего человечества.

Понятие брака как союза мужчины и женщины, как общение жизни и как соучастие в божественном и человеческом праве было определено еще римским юристом Модестином в третьем веке. В такой редакции оно и вошло в каноническое право Православной Церкви. Здесь выделены три главные аспекта понятия брака:

1) Физический (моногамный союз разного пола)
2) Этический (общение во всех жизненных отношениях)
3) Религиозно-юридический (соучастие в Божественном и человеческом праве)

В социальной концепции Православной Церкви сказано, что «Мужчина и женщина являют собой два различных образа существования в едином человечестве. Они нуждаются в общении и взаимном восполнении…» (Социальная концепция РПЦ. Х 1).

Поскольку брак – это Божественный Закон, то на него и направлена разрушительная сила бесовской брани. Она также ведется по трем направлениям:

1) Физическое (пропаганда однополых браков, педофилии, блуда и пр.)
2) Этическое (семейные ссоры, конфликты, разводы, беспорядочные половые связи и пр.)
3) Религиозно-юридическое (аборты, свободное сожительство, блуд, разврат и пр.)

Противостоять этому разрушительному влиянию можно только силой веры и молитвой. Но, к сожалению, у нас в требниках и молитвословах нет специальных молитв и проследований, касающихся именно этой сферы борьбы. Большинство из тех, которые имеются, не отражают реальные нужды и потребности современной семейной жизни. Поэтому мы предлагаем нашему читателю это молитвенное Чинопоследование, которое, мы надеемся, укрепит духовную брань семейных пар против духов злобы поднебесной и поможет нашим пастырям совершать молебные пения в соответствии с нуждами своих прихожан.

Молебное пение во время ссор и нестроений между супругами

«Благословен Бог наш...»

«Царю Небесный» Трисвятое: Отче наш.

Возглас.

Аминь. Господи помилуй (12р.) Слава и ныне.

«Приидите, поклонимся...» (трижды)

Псалом 126

Аще не Господь созиждет дом, всуе трудишася зиждущии. Аще не Господь сохранит град, всуе бде стрегий. Всуе вам есть утреневати, востанете по седении, ядущии хлеб болезни, егда даст возлюбленным Своим сон. Се достояние Господне сынове, мзда плода чревняго. Яко стрелы в руце сильнаго, тако сынове оттрясенных. Блажен, иже исполнит желание свое от них. Не постыдятся, егда глаголют врагом своим во вратех.

Псалом 127

Блажени вси боящиися Господа, ходящии в путех Его. Труды плодов твоих снеси: блажен еси, и добро тебе будет. Жена твоя, яко лоза, плодовита в странах дому твоего, сынове твои, яко новосаждения масличная, окрест трапезы твоея. Се тако благословится человек бояися Господа. Благословит тя Господь от Сиона, и узриши благая Иерусалима вся дни живота Твоего, и узриши сыны сынов твоих. Мир на Израиля.

«Слава, и ныне»,

«Аллилуиа, аллилуиа, аллилуиа, слава Тебе, Боже» (трижды).

Ектения мирная:

Миром Господу помолимся и прочее…
(приложи сие)

О еже помиловати рабов своих (имя рек) и простити им всякое прегрешение, вольное и невольное, и сохранити святость брака их, Господу помолимся.

О еже низпослати им помощь свыше, дабы идти им по жизни путем Христовых Заповедей и хранити верность и любовь друг ко другу, Господу помолимся.

О еже оградити дом их, и всех живущих в нем, от вражды и раздоров, козней бесовских и от всяких бед и несчастий, Господу помолимся.

О еже укрепити семейные узы рабов Твоих (имя рек), и уберечь от неподобающих слов и деяний, могущих разрушить любовь и единство их, Господу помолимся.

О еже милостивно отвратити гнев Свой, праведно на ны движимый за прегрешения наши, и претвори слезы и скорби сердец наших на радость, мир и утешение, Господу помолимся.

Заступи, спаси, помилуй …( И прочия )

Возглас: Яко подобает тебе всякая слава:

Аминь

Бог Господь и явися нам…:

Тропарь, глас 4

Иже брак в Кане Галилейстей освятивый, Господи,/ освяти и всех, в честнем жительстве брака живущих,/ подавая им помощь Твою,/ дабы пребывати им в любви и единомыслии,/ сохраняти ложе непорочно,/ подавати добрый пример чадам их,// возрастая в духовнем жительстве.

Слава: Кондак, глас 4

Иже благоволивый семье христианстей жити по образу Святыя Троицы,/где муж глава жены, жена ему помощница,/ чада их в послушании родителям./ Се бо Триединство в любви к ближнему и Богу,/ живущее единой верою и надеждою,/ уповающее на милость Божию.// Господи, сохрани таковую семью на многая лета.

Ныне: Богородице, глас 4

Пресвятая Дево/, заступница наша пред Богом усердная,/ помози нам, во искушениях сущих,/ сохрани семейства христианския от вражды, раздоров и разлук,/ согрей любовию сердца супругов,/ возьми домы их под Свой честный Покров,// Ты бо благая Попечительница домашней Церкви.

Канон Господу и его святым угодникам о мире и согласии в семье.

Песнь 1

Ирмо́с: Поим Господеви, проведшему люди Своя сквозе Чермное море, яко един славно прославися.
Помилуй нас, Боже, помилуй нас.

Господи, из опыта жизни нашея мы добре уразумели, яко семья не токмо радости приносит, но и горести. Не умеем мы уступати и снисходити к немощем ближнего. Умягчи наши сердца, Господи, и помози преодолевати трудности.

Помилуй нас, Боже, помилуй нас.

Господи, брак – воистину таинство! Како возможно, дабы два человека, у коих разное происхождение, разные навыки и предпочтения, сумели жити яко един человек? Но в Тебе все возможно, Господи, и потому к Тебе прибегаем.

Святии угодницы Божии, молите Бога о нас.

Великий тайноведец неизреченных Божественных откровений, апостоле любви Иоанне Богослове, возьми нашу семью под свое покровительство. Помолись Господу да очистит совесть нашу от нечистых помыслов, от всякого превозношения и лукавого обычая, и не лишит нас Своея милости ни в сем веке, ни в будущем.
Слава: Святый апостоле Иоанне Богослове, любимый учениче Христов, после Крестных страданий Спасителя, взявый Пресвятую Богородицу в дом свой и заботивыйся о Ней, как о родной Матери. Помози и нам следовати Божьей заповеди о почитании отца и матери и научити сему детей своих.

Ныне: Превысшая Небесных Сил Бесплотных, Дево Чистая, на Тя упование возлагаем, сохрани наш брак Своею Милостию и веди нас по жизни путями Сына Твоего и Бога нашего.

Песнь 3

Ирмо́с: Ты еси утверждение притекающих к Тебе, Господи, Ты еси свет омраченных, и поет Тя дух мой.

Помилуй нас, Боже, помилуй нас.

Господи, осуетились мы в делах житейских, небрежим о молитве, не ходим в храмы Божии, не поучаемся в Словесех Твоих. И посему не имеет брак наш крепкого основания. Подули ветры искушений и не можем устояти. Укрепи же, Господи, дом наш и дай нам разум выстроити его на камени Заповедей Твоих.

Помилуй нас, Боже, помилуй нас.

Господи, зело обнищали мы в вере и любви, и стоят в красных углах домов наших не святые лики, а похитители времени и растлители душ человеческих. Отдаем им велию часть жизни нашея, Тебе же, Владыко, оставляем лишь малые крохи. Прости нам, Отче, и помози исправити житие наше.

Святии угодницы Божии, молите Бога о нас.

Святителю отче Николае, Мир Ликийских похвало, как некогда ты избавил от бедности вдовца, а его дочерей от порочной жизни, так и ныне помози нашей семье, бедной на веру и любовь, обогатитися всякою добродетелию, подай нам злато твоих молитв и убереги от прегрешений.

Слава: Великий отче наш Николае, запретивый злым духам потопить корабель и избавивый тем людей от неминуемой смерти, помози и нам, с верою к тебе прибегающим, не потонути в волнах житейского моря, но пристати к тихой гавани, и с верою и молитвою пожить все дни жизни нашея.

Ныне: Пресвятая Владычице наша, Богородице, не лиши семью нашу – сию Малую церковь – Твоего Небесного Покрова и Помощи, но приими молитвы наши и спаси нас.

Господи помилуй, трижды.

Седален, глас 2:

Господи, как правильно сказал Твой верный служитель святитель Иоанн Златоуст: «Когда настает вражда между мужьями и женами, то входит война в домы, а когда они мятутся, то неспокойны бывают города, когда же города приходят в смятение, то и вся вселенная наполняется войною и раздорами». Добре знает о сем враг рода человеческого и потому неистово враждует против мира семейного. Господи, огради же нас от силы вражия и сохрани Своею Благодатию.

Слава, и ныне, Богородичен:

Пресвятая Владычице наша, Богородице, бывшая с Господем на браке в Кане Галилейстей и там явившая милосердие Свое к хозяевам дома, упросив Сына Своего помочь им в нужде. И ныне молим Тя, испроси у Господа нашего Иисуса Христа сотворити чудо над семьею нашею, дабы претворил Он сию пресную, от грехов наших, воду супружества в державно вино с ароматом любви и единства.

Песнь 4

Ирмо́с: Услышах, Господи, смотрения Твоего таинство, разумех дела Твоя, и прославих Твое Божество.

Помилуй нас, Боже, помилуй нас.

Господи, Ты все Премудростию сотворил еси, и вся вселенная движится по законам Твоим. Не дай забыти и нам о заповеданной Тобою семейной иерархии, где муж глава жены, а жена да убоится мужа своего.

Помилуй нас, Боже, помилуй нас.

Господи, помози главе семейства любити свою жену, как Ты возлюбил Церковь и предал Себя за нее. Помози ему относитися к супруге, как к немощнейшему сосуду, и оказывати ей честь, как сонаследнице благодатной жизни.

Святии угодницы Божии, молите Бога о нас.

Святии мученицы Гурие, Самоне и Авиве, приемшие благодать от Бога охраняти христианские браки, якоже древле явили вы свою помощь благочестивей Евфимии, от мужа-клятвопреступника много пострадавшей, тако и ныне будьте покровителями семьи нашея и оградите нас от напастей злых человек и козней диавольских и утвердите в любви и непорочности.

Слава: Избранные страстотерпцы Христови Гурие, Самоне и Авиве, уразумевшие тщету идольского служения и принявшие смерть мученическую за веру истинную, темже молим вы, помозите нам отвергатися идольского поклонения золотому тельцу мира сего, сему источнику многих бед, а наипаче искати Бога и правды Его.

Ныне: Превысшая всех дщерей земных, Мати Божия, молим Тя, укрепи наш брак, умягчи ожесточенные сердца наши и наполни их светом, миром и радостию.

Песнь 5

Ирмо́с: Утренююще вопием Ти: Господи, спаси ны; Ты бо еси Бог наш, разве Тебе иного не вемы.

Помилуй нас, Боже, помилуй нас.

Господи, не дай забыти жене, яко ни плетение волос, ни нарядность одежды, ни золотые уборы драгоценны пред Тобою, но сокровенный сердца человек в нетленной красоте кроткого и молчаливого духа.

Помилуй нас, Боже, помилуй нас.

Господи, помози жене повиноватися мужу своему, как Сарра повиновалася Аврааму, называя его господином. Вразуми ее ни мыслию, ни словом, ни делом не оскорбляти любовь супруга своего, но служити ему с любовию и верностию.

Святии угодницы Божии, молите Бога о нас.

Преподобный отче Серафиме Саровский, мати твоя, благочестиво тебя воспитавшая, узрела твое стремление к иночеству, и приняв волю Господню, благословила тебя на сей путь. Испроси нам у Бога, великий старче, мир семейный, а також мудрости, дабы достойно воспитати чад наших, распознати их таланты и благословити их на богоугодные жизненные стези.

Слава: Преподобный отче Серафиме, великими подвигами Любовь Божию стяжавый. Ты глаголал каждому человеку: «Радость моя!» и еще прибавлял: «Нечего нам унывати, Христос Воскресе!» Помоги нам, отче святый, всегда имети в сердце Пасхальную радость и искреннюю любовь ко Господу и всякому человеку.
Ныне: Матерь Божия, прости нас, ибо грехами своими наносим мы раны Сыну Твоему. Плачут ангелы наши, взирая на то, как мы разрушаем благословенный Богом брак. Уврачуй наше безумие, Милостивая Госпоже, и свободи от работы вражия.

Песнь 6

Ирмо́с: Ризу ми подаждь светлу, одеяйся светом яко ризою, многомилостиве Христе Боже наш.

Помилуй нас, Боже, помилуй нас.

Господи, Ты знаеши, как искушает диавол наши души и тела и как трудно избежать его сетей. Помрачается ум наш и не ведаем, что творим. Но ты, Святый Царю, помози нам, немощным, и сохрани наш брак в чистоте и целомудрии, подавая истинное покаяние.

Помилуй нас, Боже, помилуй нас.

Господи, помози нам идти по жизни, крепко держа за руку друг друга. И аще кто из нас впадет в какое прегрешение, укрепи не бросити руку в трудную годину, но взяти немощи ближнего на себя и вытащити его из греховной трясины.

Святии угодницы Божии, молите Бога о нас.

Святый благоверный княже Ярославе Мудрый, славный потомок великия княгини Ольги и князя Владимира, ты житием своим явил пример благочестия: церкви устрояя, законы справедливые полагая, веру православную и научение книжное насаждая. Тем же молим тя, сподоби и нас быти наследниками дел твоих благих и всегда искати правды Божией.

Слава: О благоверный княже Ярославе, мудрость свою явивый не токмо в управлении державою, но и семьею твоею, и купно с благоверною супругою твоею Ириною украсил святостию род свой, и Церковь Небесную потомством обильно населил еси. Сего ради молим тя, купно со святыми сродниками твоими, сотвори молитву Царю царствующих, да вашего ради соборного предстательства пробавит милосердие Свое на семью нашу и введет всех нас в Царство Небесное.

Ныне: Пресвятая Богородице, буди Оградою дома нашего. Не пропускай в него злые и разрушительные ветры, убереги тепло нашего очага, согревая нас Своею Материнскою любовию.

Господи помилуй, трижды. Слава, и ныне.

Вонмем, премудрость вонмем

Прокимен, глас 6

СтихА: Помощь моя от Господа, сотворшаго небо и землю.

СтихВ: Возведох очи мои в горы, отнюдуже приидет помощь моя.

И далее:

Апостол:

Галатам 5:14-25

(Зачало 212) (Гал. 5, 14-21), (Зачало 213) (Гал. 5, 22-25)

Ибо весь закон в единем словеси исполняется, во еже: возлюбиши ближняго твоего якоже себе. Аще же друг друга угрызаете и снедаете, блюдитеся, да не друг от друга истреблени будете. Глаголю же: духом ходите, и похоти плотския не совершайте: плоть бо похотствует на духа, дух же на плоть: сия же друг другу противятся, да не яже хощете, сия творите. Аще ли духом водими есте, несте под законом. Явлена же суть дела плотская, яже суть прелюбодеяние, блуд, нечистота, студодеяние, идолослужение, чародеяния, вражды, рвения, завиды, ярости, разжжения, распри, соблазны, ереси, зависти, убийства, пиянства, безчинни кличи и подобная сим: яже предглаголю вам, якоже и предрекох, яко таковая творящии Царствия Божия не наследят. Плод же духовный есть любы, радость, мир, долготерпение, благость, милосердие, вера, кротость, воздержание: на таковых несть закона. А иже Христовы суть, плоть распяша со страстьми и похотьми. Аще живем духом, духом и да ходим.

Аллилуия гласа.

Стих а: Блажен муж бояйся Господа, в заповедех Его восхощетъ зело.

Стих в: Сильно на земли будет семя его, род правых благословится.

Евангелие от Марка 10:2-12

(Зачало 43) (Мк. 10, 2 - 9)

Во время оно приступльше фарисее вопросиша его: аще достоит мужу жену пустити? искушающе его. Он же отвещав рече им: что вам заповеда Моисей? Они же реша: Моисей повеле книгу распустную написати, и пустити. И отвещав Иисус рече им: по жестосердию вашему написа вам заповедь сию: от начала же создания, мужа и жену сотворилъ я есть Бог: сего ради оставит человек отца своего и матерь и прилепится к жене своей, и будета оба в плоть едину: темже уже неста два, но плоть едина: еже убо Бог сочета, человек да не разлучает.

Слава тебе Боже наш слава Тебе.

Кондак, глас 2:

Благо есть человеку, егда обрящет он свою вторую половину, яко и Адам первородный возрадовался зело, увидев Богом данную жену и сказав: «Се кость от костей моих и плоть от плоти моей… Посему оставит человек отца своего и мать свою и прилепится к жене своей и будут двое плоть едина».

Икос:

Господи, заповедь Твоя о браке пребудет до скончания века, ибо Ты сам сказал, что и при конце света будут женитися и выходити замуж. Но такоже предупредил, что в последние времена, по причине умножения зла, во многих охладеет любовь. Боже наш, убереги нас от напасти сей, не дай сердцам нашим охладети в любви, ибо без нее, как без солнца, все меркнет и увядает. Не попусти нам уклонятися от света Твоих повелений, да будут заповеди Твои единым законом и временнаго нашего бытия и вечнаго.

Песнь 7

Ирмо́с: От Иудеи дошедше отроцы, в Вавилоне иногда, верою Троическою пламень пещный попраша, поюще: отцев Боже, благословен еси.

Помилуй нас, Боже, помилуй нас.

Господи, Ты сказал прародителю нашему Адаму: «В поте лица твоего будеши есть хлеб». Просим Тя, подавай главе семейства сил, разума и здравия усердно заботитися о своей семье, дабы ни жена его, ни чада не впадали в уныние от голода, холода и нищеты.

Помилуй нас, Боже, помилуй нас.

Господи, Ты сказал прародительнице нашей Еве: «В муках будеши рождати детей». Просим Тя, помози жене с терпением нести тяготы деторождения и воспитания их, помятуя слова апостола Павла о том, что «жена спасется через чадородие, если пребудет в вере и любви и святости с целомудрием».

Святии угодницы Божии, молите Бога о нас.

Святии благовернии Петре и Февроние Муромские, наветы и угрозы бояр презревшие и брак свой христианский сохранившие. За то Господь увенчал вас славою и любовию всего града Мурома. Подайте же и нам силы протистояти всякому злу, и вашими молитвами уберегите нас от зависти и злобы человеческой.

Слава: Святии Петре и Февроние, союз любви навеки сохранившие, за то награду свыше получили вы – в единый день предстали перед Господем. Сподобьте же и нас обрести любовь и счастие семейное, дабы ни в сей жизни, ни в будущей нам не разлучатися.

Ныне: Благоутробная Мати Господа нашего Иисуса Христа, се Сын Твой стоит у дверей дома нашего и стучит. Мы же, имея уши, не слышим зова Его. Обостри же, Пречистая, слух сердец наших и войди вместе с Господом под кров наш, дабы наполнился он благодатию Святого Духа.

Песнь 8

Ирмо́с: Царя Небеснаго, Егоже поют вои ангельстии, хвалите и превозносите во вся веки.

Помилуй нас, Боже, помилуй нас.

Господи, убереги нас от греховного желания подчиняти ближнего нраву своему. Аще и узрим какие изъяны в искренних своих, помози исправляти их с терпением и любовию, почитая неповторимый образ Божий в каждом человеке.

Помилуй нас, Боже, помилуй нас.

Святый Царю, стоим мы ежечасно, якоже Адам и Ева, у Древа познания Добра и Зла, свободно избирая путь свой. Удержи нас, Господи, от приобщения ко греху и помози быти причастниками блага.

Святии угодницы Божии, молите Бога о нас.

Святая блаженная Ксение Петербургская, по внезапней смерти мужа твоего имение свое раздавшая, и познав суетность всего земнаго, юродством стяжала разум Христов. Огради нашу семью твоими молитвами от бед и несчастий, сохрани нас от внезапной смерти без покаяния, научи жертвенной любви и благопопечению о ближних своих.

Слава: Блаженная мати Ксение, голод, холод и поношения претерпевшая, непрестанно молившаяся и тайно добрые дела творившая. Помози нам не прилиплятися ни к чему земному, не полагати надежду на силы свои, но уповати на Господа и стремитися к Небесному отечеству.

Ныне: Вся наша жизнь открыта перед Богом, ангелами и святыми его, и от того не смеем мы возвести очи к небу, ибо дела наши обличают нас. Но Ты, Царице Небесная, не остави нас погибающих и Твоим ходатайством избави вечного осуждения.

Песнь 9

Ирмо́с: Воистинну Богородицу Тя исповедуем, спасеннии Тобою, Дево чистая, с безплотными лики и всеми святыми Тя величающе.

Помилуй нас, Боже, помилуй нас.

Господи, Ты удостоил нас чести стати членами Церкви Христовой. Помози же нам быти солью земли, быти светильниками во тьме греховного мира, быти примером для окружающих людей, а не соблазном и поруганием.

Помилуй нас, Боже, помилуй нас.

Господи, продли дни жизни нашея для покаяния и возрастания в добродетели. Да научим и детей наших жити по Заповедям Твоим и возрадуемся в старости, взирая на детей внуков своих.

Святии угодницы Божии, молите Бога о нас.

Святая преподобномученица, великая княгине Елисавето, с мужем своим, благоверным князем Сергием, в честнем браке добре пожившая, и явившая великое мужество и христианскую любовь к убийце супруга твоего. Научи и нас, великая страстотерпице, благочестиво в браке жити, обиды прощати, за врагов молитися и любити всех нелицемерно.

Слава: Милостивая княгине Елисавето, жен христианских украшение, много потрудившаяся над созданием Марфо-Мариинской обители, и тем показавшая возможность служения Богу через ближнего своего, яко евангельская Марфа, и быти внемлющей глаголам Спасителя, яко сестра ее Мария. Помози и нам подражати твоему равноангельскому житию, дабы наследовать жизнь вечную.

Ныне: Пресвятая Дево, Богородице, святыми лучами благодати Твоея прожени мглу греховную из сердец наших, укрепи в нас веру, надежду и любовь и выведи на светлую стезю, ведущую в царство Сына Твоего и Бога нашего.

Светилен:

Господи, Ты рекл еси пречистыми устами Твоими: «Научитеся от Мене, яко кроток есмь и смирен сердцем, и обрящите покой душам вашим». Просим Тя, Иисусе Милостивый, подаждь нам благодать подражати Тебе в богоугодном житии, и да вообразится в нас образ Твой непостижимый, по нему же создал еси человека.

Слава, и ныне:

Пресвятая Дево Марие и все святии угодницы Божии, своими молитвами оберегающие род христианский, просим Вас, приклоните милосердие Господа к нам, грешным, и помозите принести достойные плоды покаяния, дабы не посечены мы были, яко бесплодное древо, или преданы огню, яко плевелы, но стали, подобно вам, доброю пшеницею, собранною в житницу Господню.

Ектения:

Помилуй нас Боже по велицей милости твоей, молимся услыши и помилуй

И прочее, такожед приложи сия…

Господи, Боже наш, соединивый брачными узами рабов Твоих (имя рек) и благословивый им жити в мире и единомыслии, помози им избежати искушений греховных и сохранити семью, да не преткнутся о камень соблазна, но да будут шествовати путем заповедей Твоих.

Боже милостивый, Ты знаеши сколь слабы мы и немощны, и без Тебя воистину не можем творити ничесоже. Призри на смирение рабов Твоих, молящихся Тебе, не остави их в скорби сей, и не попусти врагу рода человеческого разрушити христианское семейство.

Отче щедрот и всякого милосердия, сказавый: «нехорошо человеку быти одному» и создавый для Адама Еву. Ты соединил их в плоть едину и благословил множитися и населяти землю. Не дай, Господи, рабом Твоим сим стати дурным примером для чад своих, но помоги им воспитати детей в вере, благочестии и страхе Твоем.

Господи, Иисусе Христе, Сыне Божий, пришедый в Кану Галилейскую и тамошний брак благословивый, войди и под кров сердец рабов Твоих (имя рек), и освяти их Своею благодатию, напои живою водой правды Твоей, ведущей в жизнь вечную, и спаси их имиже веси судьбами.

И прочее

Возглас: Услыши ны Боже…

Молитва Господу нашему Иисусу Христу:

Господи, Иисусе Христе, Спасителю наш, Ты благоволил соединити рабов Твоих (имя рек) в единую семью, живущую единым сердцем, единой волею, единой любовию, яко един человек, по предвечному совету Твоему об Адаме первороднем. Просим Тя, молитвами Пречистыя Владычицы нашея Богородицы и Приснодевы Марии, предстательством святого апостола и евангелиста Иоанна Богослова, святителя Николая, Мир Ликийских чудотворца, святых мучеников Гурия, Самона и Авива, преподобного Серафима Саровского, благоверного князя Ярослава Мудрого, благоверного князя Петра и княгини Февронии Муромских, блаженной Ксении Петербургской, преподобномученицы великой княгини Елисаветы и всех святых Твоих, сохрани брак сей, удержи супругов от тлетворных движений сердечный, от неподобающих слов и деяний, которые, яко ржа, разъедают уважение, любовь и доверие друг ко другу. Сохрани дом их и всех, живущих в нем, от огня, потопа, воровского нападения, дьявольского наваждения и от всякого злого обстояния. Ей Господи Боже наш, не попусти рабам твоим (имя рек) разлучитися, даруй им любовь, восстанови Своею всемогущею силою то, что они, по своему неразумию, не сохранили и разрушили, согрей то, что в них охладело, омой то, что они осквернили, умудри их и верни на путь правый делания заповедей Твоих. Аминь.

Отпуст.