ეგვიპტეში, კოპტურ ეკლესიაში ხანძრის დროს 40 ადამიანი დაიღუპა, მათ შორის ბავშვებიც

ხანძრის შედეგად დაღუპულთა დაკრძალვა. ფოტო: АР

ეგვიპტის დედაქალაქ კაიროში, მოწამე აბუ სეფეინის ეკლესიაში გაჩნდა ხანძარი, რომლის შედეგად 40-ზე მეტი ადამიანი დაიღუპა, მათ შორის - 15 ბავშვი, იუწყება სააგენტო The Associated Press.

ეკლესია, რომელიც ოთხსართულიან შენობაში მდებარეობდა, განლაგებულია ვიწრო ქუჩაზე კაიროს ერთ-ერთ მჭიდროდ დასახლებულ რაიონში. კვირადღე - კვირის პირველი სამუშაო დღეა და დილაობით იმბამისა და მის ახლომდებარე რაიონების ქუჩებში ხშირი საცობებია, ამიტომ დაზარალებულთა დასახმარებლად მისვლა გართულებული იყო. როდესაც დაიწყო აალება, რომელიც თავდაპირველად მოკლე ჩართვის გამო მოხდა, რამდენიმე ხაფანგში აღმოჩენილი ადამიანი ეკლესიის ზედა სართულებიდან ხტებოდა ცდილობდა თავი დაეღწია ძლიერი ალისგან. უმრავლესობა დაზარალდა ჭყლეტისა და ხუთვის გამო. 

ამ შენობაში აგრეთვე განლაგებული იყო საეკლესიო საბავშვო ბაღები. ამიტომ დაღუპულთა შორის ამდენი ბავშვია. ეკლესიის ერთ-ერთმა მსახურმა შეძლო რამდენიმე ბავშვის გადარჩენა, ის ავარდა სართულზე, სადაც ცეცხლი მძვინვარებდა, ბოლში მან გართხმული სხეულები შენიშნა და დახმარება გაუწია მათ, ვისი გადარჩენაც შესაძლებელი იყო.

კვირას, შუადღისკენ, სასწრაფო დახმარების სამსახურებმა განაცხადეს, რომ მათ შეძლეს ხანძრის ჩაქრობა. მოვიდა პრემიერ-მინისტრი სხვა სამთავრობო მაღალჩინოსნებთან ერთად, რომ დაეთვალიერებინათ ადგილი, სადაც ეს მოხდა. პრემიერ-მინისტრმა მუსტაფა მაბდულმა განაცხადა, რომ გადარჩენილები და დაღუპულთა ოჯახები მიიღებენ საკომპენსაციო თანხას და მთავრობა აღადგენს ეკლესიას.

საღამოსკენ დაღუპულები კუბოებით გადაიყვანეს სასწრაფო დახმარების მანქანებით მეზობელ რაიონში, ვარაკში, ორ ეკლესიაში, დაკრძალვის წინა ლოცვისთვის. გზად დამწკრივებულები იყვნენ მოტირალი ქალები. ეკლესიებში დაკრძალვებზე ასობით დამწუხრებული ადამიანი შეიკრიბა. 

როგორც მჟკ იუწყებოდა, მანამდე დნეპრში ეკლესიის ტერიტორიაზე გაჩნდა ხანძარი, რომლის შედეგად ქალი დაიღუპა.