მის-ში ისაუბრეს უკრაინაში პატრიარქ ბართლომეს ვიზიტის პროგრამაზე

ფანარიონის მეთაური და უკრაინის პრეზიდენტი. ფოტო: BBC

ცნობილი გახდა უკრაინაში პატრიარქ ბართოლომეოსის მოახლოებული ვიზიტის დეტალები, რომელიც უნდა შედგეს ქვეყნის დამოუკიდებლობის 30 წლისთავისადმი მიძღვნილ ღონისძიების დღეებში.

მედიაში გავრცელებული ინფორმაციის თანახმად, უკრაინაში კონსტანტინოპოლის ეკლესიის მეთაურის ყოფნის პროგრამა მოიცავს შემდეგ პუნქტებს:

• შეხვედრა სახელმწიფოს პირველ პირებთან: პრეზიდენტ ვლადიმირ ზელენსკისთან, პრემიერ-მინისტრ დენის შმიგალთან და უმაღლესი რადას თავმჯდომარესთან დმიტრი რაზუმკოვთან;
• ყვავილების მიტანა გოლოდომორის მსხვერპლთა ძეგლთან;
• ეპიფანესთან ერთობლივი მსახურება მეუ-ს მიქაელის ტაძარში;
• ღამის მსახურება კონსტანტინოპოლის საპატრიარქოსთვის გადაცემული ანდრიას სახელობის ეკლესიაში;
• დონბასზე კონფლიქტის შედეგად დაღუპულთა შვილებთან შეხვედრა;
• უკრაინაში თურქეთისა და საბერძნეთის ელჩებთან შეხვედრა;
• ლანჩი მეუ-ს „იერარქატთან“;
• მონაწილეობა უკრაინის დამოუკიდებლობის 30 წლისთავისადმი მიძღვნილ ღონისძიებებში.

შეგახსენებთ, საექსპერტო გარემოში თვლიან, რომ უკრაინაში პატრიარქ ბართოლომეოსის დაგეგმილი ვიზიტი დააკნინებს მისი, როგორც სულიერი ლიდერის სტატუსს. უკრაინის მართლმადიდებლურ ეკლესიაში განმარტეს, თუ რატომ გამოდიან ამ ვიზიტის წინააღმდეგ და განაცხადეს, რომ  პატრიარქ ბართოლომეოსის მონაწილეობით ღონისძიებებში მისი ოფიციალური წარმომადგენლები არ იქნებიან.