ჯონსონი ბრიტანელებს შორის სიმსუქნის ეპიდემიაში ინგლისის ეკლესიას ადანაშაულებს

ჭარბწონიანობა. ფოტო: CBN

ბრიტანეთის ყოფილმა პრემიერ-მინისტრმა ბორის ჯონსონმა ინგლისის ეკლესია დაადანაშაულა ქვეყანაში სიმსუქნის კრიზისში, იუწყება CBN. მისი თქმით, ეკლესიის წარუმატებელმა სულიერმა მხარდაჭერამ გამოიწვია ხალხის გადაჭარბებული ჭამა.

ჯონსონმა აღნიშნა, რომ ბავშვობაში "იშვიათად ხვდებოდა მსუქანი ადამიანი" კლასში, მაგრამ დღეს ეს პრობლემა მასშტაბურია. „ახლა უმრავლესობა მსუქანია, მე რომ ეს მათ ვუთხრა დამხვრიტავენ, მაგრამ ეს სიმართლეა“, - განაცხადა ყოფილმა პრემიერმა.

მან ასევე გააკრიტიკა კენტერბერის მთავარეპისკოპოსი ხალხის სულიერი მოთხოვნილებების უგულებელყოფის გამო. ჯონსონმა თქვა, რომ რელიგიური ლიდერები ვერ ავსებენ „მტკივნეულ სულიერ სიცარიელეს“, რომელიც, მისი აზრით, სიმსუქნის ერთ-ერთი მიზეზია. ტაძარში ვიზიტის დროს მან აღნიშნა, რომ ქადაგებები არ ეხებოდა სიმსუქნის საკითხს და ამის ნაცვლად მეუფე ბურტყუნებს „იმაზე, თუ როგორ ვართ ყველა დამნაშავე და უფრო მემარცხენეები უნდა ვიყოთ“.

კომენტარები რეზონანსული იყო იმ მონაცემების ფონზე, რომ ინგლისში მოზრდილთა 64% იყო ჭარბწონიანი ან მსუქანი 2022-23 წლებში.

როგორც მჟკ იტყობინება, დიდი ბრიტანეთის ლიბერალური მედია შეშფოთებულია იმით, რომ ქვეყნის პარლამენტმა შეიძლება არ დაუჭიროს მხარი ევთანაზიის ლეგალიზაციას.