რმე-ის კარდინალი: ქრისტემ სიცოცხლე მისცა ხალხს და არა "დიდი რუსეთის" იდეას

კარდინალი მიულერი. ფოტო: cath.ch

რომის კათოლიკური ეკლესიის გერმანელმა კარდინალმა გერჰარდ მიულერმა, უკრაინის ომის შესახებ საუბრის კონტექსტში, გაიხსენა, რომ ქრისტემ სიცოცხლე გასცა ხალხისთვის და არა „დიდი რუსეთის“ იდეისთვის.

კარდინალმა მორწმუნეებს მოუწოდა დაუბრუნდნენ ქრისტიანული სარწმუნოების საწყისებს, უარყონ შეზღუდული ადამიანური იდეოლოგიები, რომლებიც ვერ აკმაყოფილებენ ჭეშმარიტებისა და ხსნის ღრმა წყურვილს.

მან გააკრიტიკა თანამედროვე პოლიტიკური იდეოლოგიები, უწოდა მათ შეზღუდული და საშიში: ”კომუნიზმს, ისევე როგორც ფაშიზმს, ნაციონალ-სოციალიზმს და ყველა იდეოლოგიას, რომელიც მხოლოდ ადამიანის გონებით არის შექმნილი, აქვს თავისი საზღვრები და მხოლოდ ლოგოსს, ღვთაებრივ გონებას შეუძლია მოგვცეს ცხოვრების აზრის ჭეშმარიტი გაგება და გადაარჩინოს თითოეული ადამიანი.”

კარდინალმა ხაზი გაუსვა ფუნდამენტურ განსხვავებას ქრისტიანულ მსოფლმხედველობასა და იდეოლოგიებს შორის, რომლებიც ცდილობენ კაცობრიობას თავს მოახვიონ ღმერთის გარეშე გზა.

რაც შეეხება რუსეთსა და უკრაინას შორის კონფლიქტს, მან გააკრიტიკა პოლიტიკური ლიდერები, რომლებიც, მისი თქმით, მხოლოდ საკუთარ ძალაზე ზრუნავენ: „როდესაც ვსაუბრობთ იმპერიალიზმზე, პუტინზე, ამერიკაზე, ჩინეთზე, უნდა გვახსოვდეს დიდი პოლიტიკოსები და დიქტატორები, რომლებსაც არ აინტერესებთ ჯანმრთელობა, ბედნიერება, ხალხის გადარჩენა. ისინი მხოლოდ საკუთარ ძალაუფლებაზე, პრივილეგიებზე ფიქრობენ.’’

მიულერმა გაიხსენა, რომ „ქრისტე ერთადერთია, ვინც სიცოცხლე გასწირა სხვებისთვის და არ შესწირა იგი საკუთარ თავს ან „დიდი რუსეთის“ დიდებას“.

მჟკ წერდა: კათოლიკე კარდინალმა გერჰარდ მიულერმა განაცხადა, რომ რომის კათოლიკური ეკლესია არ ეკუთვნის პაპს და პაპის უცდომელობა არ შეიძლება ეწინააღმდეგებოდეს წმინდა წერილს.