ნათლისღებაზე მაცხოვრის ნათლობის ადგილზე ცისარტყელა გამოჩნდა

ცისარტყელა მდინარე იორდანეს თავზე. ფოტო: facebook.com/igor.pchelintsev

ნათლისღებაზე მაცხოვრის ნათლობის ადგილზე ცისარტყელა გამოჩნდა მდინარე იორდანეს თავზე, რომელიც დააფიქსირა დეკანოზმა იგორ პჩელინცევმა, იერუსალიმში რუსეთის საეკლესიო მისიის სასულიერო პირმა, წმინდა მოციქულთა პეტრე და პავლესა და მართალ ტაბითას პატივსაცემად თელ-ავივ-იაფაში. ფოტო მან იორდანიაში უფლის ნათლობის ადგილზე მომლოცველთა რეზიდენციის ტერიტორიაზე გადაიღო. ფოტოები მის პირად ფეისბუქ გვერდზე გამოქვეყნდა.

„მაცხოვრის ნათლობის ადგილზე ამ წუთებში“, - წერს მღვდელი სოციალურ ქსელში.

"ღმერთო, რა საოცრებაა!" - წერდნენ სოციალური ქსელის მომხმარებლები.

ცისარტყელა არაერთხელ არის ნახსენები წმინდა წერილში. ეს სიმბოლოა პატიებისა, მწუხარებისგან განთავისუფლებისა. მაგალითად, ნოეს კიდობანის ხსენებისას, რათა წარღვნას გადარჩენილმა ადამიანებმა არ აღიქვან წვიმა, როგორც კატასტროფისა და სიკვდილის საწყისი, უფალმა თავისი დაპირების აღსრულების ნიშნად ხილული სიმბოლო მოავლინა - ცისარტყელა :

„და მოხდება, როცა ღრუბელს მოვიყვან დედამიწაზე, ღრუბელში ჩემი ცისარტყელა გამოჩნდება; და რომ გავიხსენო ჩემი აღთქმა, რომელიც არის ჩემსა და თქვენს შორის და ყოველ ცოცხალ სულს შორის ყოველ ხორციელში; და აღარ იქნება წყალი, როგორც წარღვნა, რომ გაანადგუროს ყოველი ნაყოფი“ (დაბადება 9:14-15).

მანამდე მჟკ წერდა, რომ ათონზე ღრუბლების განსაცვიფრებელი ფოტოები ინტერნეტში გამოქვეყნდა.