შმიგალმა ფანარზე თქვა, რომ სახელმწიფო აფინანსებს მეუ-ს

უკრაინის პრემიერ-მინისტრისა და პატრიარქ ბართლომეს შეხვედრა. ფოტო: kmu.gov.ua

უკრაინა უწევს სრულ სოციალურ და ეკონომიკურ დახმარებას უკრაინის მართლმადიდებელ ეკლესიას - „სახელმწიფო ინსტიტუტების საიმედო პარტნიორს“. ამის შესახებ უკრაინის პრემიერ მინისტრმა დენის შმიგალმა განაცხადა კონსტანტინოპოლის პატრიარქ ბართოლომეოსთან შეხვედრაზე სტამბულში 2020 წლის 30 ნოემბერს, აცხადებს უკრაინის მინისტრთა კაბინეტის საიტი.

ფანარის მეთაურთან საუბრის დროს უკრაინის პრემიერმა მადლობა გადაუხადა მას „უკრაინის მართლმადიდებელი ეკლესიისთვის ტომოსის მინიჭებისა და სხვა ადგილობრივი ეკლესიების მიერ მისი აღიარების პროცესის მხარდაჭერის გამო“.

„ავტოკეფალიის შესახებ ტომოსის მინიჭებამ ახალი პერსპექტივები გაუხსნა უკრაინის მიწაზე ქრისტიანობის უფრო ჰარმონიულ განვითარებასა და მორწმუნეთა სულიერი მოთხოვნების უფრო სრულყოფილ დაკმაყოფილებას, რომლებიც ბიზანტიის სულიერ ტრადიციას მიეკუთვნებიან“, - თქვა შმიგალმა.

უკრაინის სახელმწიფოს მეთაურმა აგრეთვე განაცხადა, რომ  უკრაინის მართლმადიდებელი ეკლესია წარმოადგენს სახელმწიფო ინსტიტუტების საიმედო პარტნიორს  სოციალური და ჰუმანიტარული სამსახურის საკითხებში.

სახელმწიფო კი, დაამატა მან, მხარს უჭერს უკრაინის მართლმადიდებელი ეკლესიის „აქტიურ სოციალურ მოღვაწეობას“ და „იურიდიულად განმარტებული  შესაძლებლობების ფარგლებში უწევს მას სრულ სოციალურ და ეკონომიკურ დახმარებას“.

ბოლოს შმიგალმა ხაზი გაუსვა, რომ ფანარის სტავროპიგიის ფუნქციონირება კიევში გახდა „რელიგიური პროცესების განვითარების მნიშვნელოვანი ფაქტორი უკრაინაში“ და  გამოთქვა იმედი, რომ პატრიარქი ბართოლომეოსი ჩამოვა უკრაინაში.

როგორც იუწყებოდა მართლმადიდებელ ჟურნალისტთა კავშირი, 30 ნოემბერს უკრაინის ოფიციალურმა დელეგაციამ უკრაინის პრემიერ-მინისტრის დენის შმიგალის ხელმძღვანელობით მონაწილეობა მიიღო ფანარის დღესასწაულში სტამბულში.