დესიატინის ეკლესიაში მორწმუნეები ატარებენ ლოცვით დგომას

ლოცვითი დგომა დესიატინის მონასტერში. ფოტო: скриншот видео

6 მაისს კიევში დესიატინის ეკლესიაში, რომლის დანგრევაც ხელისუფლებამ 7 მაისისთვის  დაგეგმა, მოვიდა მრევლი ლოცვითი დგომისათვის, რათა არ დაუშვან უკანონო ქმედებები და ილოცონ მშვიდობისათვის ჩვენს მიწაზე. 

ღამის წირვის დაწყებამდე მორწმუნეებმა რელიგიური მსვლელობა ჩაატარეს დესიატინის მონასტრის წმინდა ვლადიმირისა და ოლგას სახელობის ტაძრის ირგვლივ, ღვთისმსახურება გრძელდებოდა მთელი ღამის განმავლობაში. 

დილით ცნობილი გახდა, რომ დემონტაჟი გადადეს "ტექნიკური მიზეზების გამო", ტაძრის აღების ახალი თარიღი ჯერ უცნობია.

მაგრამ ხელისუფლების მიერ კონტროლირებად მასმედიაში გაჩნდა ინფორმაცია, რომ დესიატინის ეკლესიაში ხალხის შემკრებთა ინიციატორები წინასწარ ფლობდნენ ინფორმაციას, თუმცა მორწმუნეებს უხმეს იმისათვის, რათა მიეღოთ "საჭირო სურათი". 

"ხვალ არის პუტინის "ინაუგურაცია". დესიატინის ფუნდამენტთან დე-ფაქტო გაიმართება პუტინის მხარდამჭერი აქცია. ილოცებენ პუტინისათვის. ფონსაც კი შექმნიან პუტინისთვის. "ინაუგურაციის " დასაწყისისთვის სურათი უკვე მზად იქნება",-დაწერა ალექსეი კოპიტკომ თავის  Facebook-ში.

დილით დესიატინის ეკლესიაში მოვიდნენ 5 არხის წარმომადგენლები. მორწმუნეები შიშობენ, რომ მათი ყოფნის გამო შესაძლებელია შემოგზავნილი პირების მხრიდან პროვოკაციები.

როგორც მჟკ იუწყებოდა, უმე-ს ადვოკატები სასამართლოს მეშვეობით ცდილობენ დესიატინის ტაძრის დანგრევა შეაჩერონ.