2 ნოემბერი - ჟურნალისტთა წინააღმდეგ დანაშაულებებთან ბრძოლის საერთაშორისო დღეა

მჟკ-ს ჟურნალისტები 19 აგვისტოს სასამართლო სხდომაზე მაისურებით ვენსის ციტატით. ფოტო: Persecution In Ukraine

2 ნოემბერს მსოფლიოში აღინიშნება ჟურნალისტთა წინააღმდეგ დანაშაულების დაუსჯელობის შეწყვეტის საერთაშორისო დღე.

როგორც radiosvoboda წერს,  წინადღით ჟურნალისტთა  საერთაშორისო ფედერაციამ მოუწოდა უკრაინაში ჟურნალისტთა წინააღმდეგ დანაშაულებებისთვის დაუსჯელობასთან ბრძოლისკენ და აღნიშნა, რომ უკრაინაში არც ერთი ჟურნალისტის მკვლელობა არ ყოფილა ბოლომდე გამოძიებული.

მათ აღნიშნეს, რომ მანამდე პარტია «Слуга народа» პირობას დებდა, რომ გააკეთებს „ყველაფერს, რომ უკრაინაში მცხოვრები და მოღვაწე ჟურნალისტები თავს უსაფრთხოდ გრძნობდნენ და მართლაც ყოფილიყვნენ მეოთხე ხელისუფლება, რომელიც ხელს უწყობს, რომ ქვეყანა უკეთესი გახდეს“.

ამ დღეს „ოპოზიციურმა პლატფორმამ - სიცოცხლისთვის“ გაიხსენა უკრაინელი ჟურნალისტების ოლეს  ბუზინის და პავლე შერემეტევის მკვლელობა და მოუწოდა, რომ „შეწყდეს დამოუკიდებელი გამოცემების  და ტელეარხების დევნა და დაიწყოს ბრძოლა დამნაშავეებთან“.

„სხვა საპარლამენტო ფრაქციები არ გამოდიოდნენ მოწოდებებით ჟურნალისტთა წინააღმდეგ დანაშაულობების დაუსჯელობის შეწყვეტის საერთაშორისო დღესთან დაკავშირებით“, - ადასტურებს გამომცემლობა.

შეგახსენებთ, რომ უკვე ნახევარ წელზე მეტია საგამოძიებო იზოლატორში იმყოფებიან მჟკ-ს მართლმადიდებელი ჟურნალისტები: ანდრეი ოვჩარენკო და ვალერი სტუპნიცკი. ცოტა ხნის წინ გირაოთი გამოვიდა კიდევ ერთი ჟურნალისტი - ვლადიმერ ბობეჩკო, აგრეთვე დეკანოზი სერგი ჩერტილინი, რომელსაც სდევნიან სხვა „სინდისის პატიმრებთან ერთად“. გასული თვის ბოლოს უუს-მ განაცხადა სასამართლომდე გამოძიების დასრულებისა  და ჟურნალისტთა საქმეების სასამართლოში გადაცემის შესახებ. თუმცა, როგორც არაერთხელ უთქვამთ, დაპატიმრებულები არც დაუკითხავთ. ხოლო მასმედია, თავის წყაროებზე დაყრდნობით, ავრცელებს ინფორმაციას, რომ სასამართლოში გადაცემულ საბრალდებო აქტებში უბრალოდ გადაწერილია ყოვლად უსაფუძვლო ბრალდებები, რომლებიც მარტში იყო წაყენებული. უუს-ში განაცხადეს, რომ „ბოროტმოქმედებს ემუქრება უვადო პატიმრობა ქონების კონფისკაციით“.

იუნესკოს ინფორმაციით, დაუსჯელობას მოაქვს ზიანი მთელი საზოგადოებებისთვის და ფარავს ადამიანის უფლებათა სერიუზულ დარღვევებს, კორუფციას და დანაშაულებრიობას. მთავრობებს, სამოქალაქო საზოგადოებას, მასმედიას და ყველა მხარეს, რომლებიც კანონის უზენაესობის განმტკიცებით არიან დაინტერესებულები, სთავაზობენ შეუერთდნენ უდანაშაულობის შეწყვეტის გლობალურ ძალისხმევას.

დაუსჯელობის შორს მიმავალი შედეგების აღიარების ნიშნად, მათ შორის ჟურნალისტთა წინააღმდეგ დანაშაულებების მხრივ, 2013 წელს გაეროს გენერალურმა ასამბლეამ 68-3 სესიის დროს მიიღო 68/163 რეზოლუცია, სადაც 2 ნოემბერი გამოცხადდა ჟურნალისტთა წინააღმდეგ დანაშაულობების დაუსჯელობის შეწყვეტის საერთაშორისო დღედ. რეზოლუცია წევრ-ქვეყნებს მოუწოდებს მიიღონ დაუსჯელობასთან ბრძოლის კონკრეტული ზომები. თარიღი შერჩეული იყო ორი ფრანგი ჟურნალისტის ხსოვნის პატივსაცემად, რომლებიც 2013 წლის 2 ნოემბერს მოკლეს მალიში.

მანამდე მჟკ წერდა: რა საიდუმლოებები გაიგო უუს-მ მჟკ-ს შესახებ თავისი აგენტის მეშვეობით?