შვედეთი ხურავს ეკლესიებს "კლიმატის სამართლიანობისთვის"

შვედეთის ეკლესია გარემოსდაცვითი მიზეზების გამო ხურავს ისტორიულ ეკლესიებს. ფოტო: Jorchr, Wikipedia Commons

შვედეთის ლუთერანულმა ეკლესიამ გადაწყვიტა დახუროს შვიდი ისტორიული ეკლესია კუნძულ გოტლანდზე ოქტომბრიდან მაისამდე. მიზეზი კლიმატის პროგრამის ფარგლებში ნავთობპროდუქტებით გათბობაზე უარის თქმაა, იუწყება Lifesitenews.

Sveriges Radio-ს ცნობით, გოტლანდის საეკლესიო ხელისუფლებამ ვერ იპოვა საშუალება გადასულიყო ენერგიის ალტერნატიულ წყაროებზე. ამავდროულად, ოფიციალური „კლიმატის საგზაო რუქის“ მიხედვით, ეკლესიამ მთლიანად უნდა მიატოვოს წიაღისეული საწვავი 2027 წლის ბოლომდე.

”ხალხი იმედგაცრუებულია, მაგრამ ალტერნატიული გადაწყვეტილებები ჯერ არ არსებობს”, - განმარტა მათიას ელდნორმა, რომაკლოსტერის საეკლესიო ქონების მენეჯერმა.

შვედეთის ეკლესია თავის საქმიანობაში თანმიმდევრულად ახორციელებს გარემოსდაცვითი დღის წესრიგს. ორგანიზაციის ოფიციალურ დოკუმენტებში ნათქვამია, რომ „კლიმატის სამართლიანობის პრინციპები უნდა ხელმძღვანელობდეს ეკლესიის მთელ მუშაობას“.

შვედმა ჟურნალისტმა პიტერ იმანუელსენმა ეკლესიის დახურვაზე კომენტარი გააკეთა: „შვედეთის ეკლესია ძალიან პროგრესულია. მაგალითად, რამდენიმე წლის წინ მან მოუწოდა სასულიერო პირებს ღმერთზე საუბრისას გენდერულად ნეიტრალური ენა გამოეყენებინათ, მიუხედავად იმისა, რომ ბიბლია ძალიან ნათლად ამბობს, რომ ღმერთი მამაკაცია. ახლა ისინი არსებითად კლიმატის იზოლაციით არიან დაკავებული, ”- დასძინა მან.

„მეჩვენება, რომ გაღვიძებული კლიმატის კულტი მათთვის ახლა უფრო მნიშვნელოვანია, ვიდრე ქრისტიანობა“, - დაასკვნა იმანუელსენმა.

ეკლესიის ხელმძღვანელობა თავის კლიმატის საგზაო რუკაში აცხადებს, რომ „ცოდნა კლიმატის სამართლიანობის შესახებ უნდა გავრცელდეს შვედეთის ეკლესიის ყველა საქმიანობაში“.

ბოლო 50 წლის განმავლობაში შვედეთის ეკლესიის მრევლის რაოდენობა 95,2%-დან ქვეყნის მოსახლეობის 52,8%-მდე შემცირდა. თუმცა, ოფიციალური ეკლესიის წევრების მხოლოდ 19% თვლის თავს მორწმუნედ, რაც შვედეთს ერთ-ერთ ყველაზე სეკულარიზებულ ქვეყნად აქცევს მსოფლიოში.