ივანო-ფრანკოვსკის მახლობელ ხეობაში, რადიკალებმა დახურეს უმე-ს ტაძარი

ქალაქ დოლინაში, ივანო-ფრანკოვსკის რეგიონში, ადგილობრივმა აქტივისტებმა უზრუნველყო იოანე ნათლისმცემლის სახელობის უმე-ის ეკლესიის დახურვა, იუწყება დოლინსკის საქალაქო საბჭოს YouTube არხი.

„მოთმინება ამოეწურათ მათ, ვინც გულგრილი არ არის - ისინი კონფესიას (უმე - რედ.) მტრად თვლიან, რადგან დიდი ხნის განმავლობაში ის რუსული მართლმადიდებლობის კულტურული გავლენის ქვეშ იყო და სასულიერო პირებს ჰქონდათ ორაზროვანი მოსაზრებები პატრიოტიზმზე უკრაინასთან მიმართებაში“, - ნათქვამია ვიდეოში.

დოლინაში უმე-ის წინამძღვარმა მამა ვოლოდიმირმა მიიღო აქტივისტების პირობები და დათანხმდა ეკლესიის დახურვას 3 აპრილს, საღამოს 2 საათზე, მადლიერების წირვის შემდეგ.

„2009 წელს ვიყიდეთ ეს შენობა, 13 წელია ამ ეკლესიაში ვმსახურობთ. სიტყვა „რუსი“ ჩვენთვის უცხო არ არის, გალიციის პრინცი დანიელი ატარებდა ტიტულს - რუსეთის მეფე. ჩვენი ეკლესია არ არის პოლიტიკური, როდესაც საომარი მოქმედებები დაიწყო, უმე-მ ომი მიუღებლად გამოაცხადა. ჩვენი დამცველები უმე-ის მრევლები არიან. მეუ-ს ტომოსი, რომელიც უკრაინამ მიიღო ორი წლის წინ, არ იძლევა ისეთ დამოუკიდებლობას, როგორიც ჩვენმა ეკლესიამ მიიღო 1991 წელს რმე-სგან. დიდი უფლებებით მოგვცეს ავტონომია. მას შემდეგ ჩვენ ვართ დამოუკიდებელი სტრუქტურა, ვემსახურებით უფალ ღმერთს და ვლოცულობთ მშვიდობისთვის უკრაინაში, მოვუწოდებთ ყველას მშვიდობის, სიკეთისა და სიყვარულისკენ“, - განაცხადა მღვდელმა.

ადგილობრივი აქტივისტები ამ ფაქტებში არ არიან დარწმუნებულნი.

„28 მარტს უზენაეს რადაში შევიდა კანონპროექტი მოსკოვის საპატრიარქოს ეკლესიის აკრძალვის შესახებ. ამასთან დაკავშირებით გადავწყვიტეთ მათი საქმიანობის შეწყვეტა. ეკლესიამ უნდა შეწყვიტოს საქმიანობა ჩვენი თემის ტერიტორიაზე. შეთანხმებით, 3 აპრილს 14:00 საათზე შენობა, სადაც წირვა-ლოცვა ტარდებოდა, უნდა დალუქულიყო. დღეიდან აქ არავის შევუშვებთ, ვიწყებთ სადღეღამისო მორიგეობას, რომ ტერიტორიაზე არაფერი არ შემოზიდონ და გაზიდონ. თუ შეთანხმება ხვალ შესრულდება, ჩავთვლით, რომ ჩვენი საქმე გავაკეთეთ!“ - განაცხადა ადგილობრივმა აქტივისტმა ნიკოლაი ვასილიევმა.

ასევე, სამართალდამცავებმა ადგილობრივ დეპუტატთან ერთად გაჩხრიკეს ტაძარი და მანქანები. მათ საეჭვო ვერაფერი აღმოაჩინეს.

როგორც ადრე მჟკ იტყობინებოდა, ნადვირნას ხელისუფლება იმუქრება უმე-ის ქონების კონფისკაციით.