ეკლესია გადაურჩა დიოკლეტიანეს და ხრუშჩოვს, ჩვენც გადავურჩებით ტკაჩენკოსაც, - ეპისკოპოსი
არქიეპისკოპოსი სილვესტერი დარწმუნებულია, რომ თუნდაც ხელისუფლებამ გადაწყვიტოს უმე-ის სრული ლიკვიდაცია, ის მაინც არ გაქრება.
მიუხედავად ყველა მცდელობისა, ხელისუფლება ვერ შეძლებს უკრაინის მართლმადიდებლური ეკლესიის განადგურებას. ამის შესახებ კიევის სასულიერო აკადემიისა და სემინარიის რექტორმა, ბელოგოროდის მთავარეპისკოპოსმა სილვესტერმა ბერძენ ჟურნალისტებთან ვიდეოკონფერენციის დროს განაცხადა.
მისი თქმით, „ხელისუფლებამ აიღო კურსი, ტოტალური განადგურებისთვის თუ არა, უმე-ის მაქსიმალური შესუსტებისთვის“.
„არ ვიცი, რამდენად შორს შეიძლება წავიდეს სახელმწიფო, მითუმეტეს, თუ დასავლეთის რეაქცია არ იქნება იმაზე, რაც ხდება უკრაინაში რელიგიურ სფეროში. მაგრამ მე აბსოლუტურად დარწმუნებული ვარ, რომ უკრაინის მართლმადიდებლური ეკლესიის სრული აკრძალვისა და ლიკვიდაციის შემთხვევაშიც კი, ჩვენ არსად წავალთ, რადგან ხალხი ჩვენ გამოგვყვება“, - განაცხადა ეპისკოპოსმა.
„თავის ხანგრძლივ ისტორიაში ეკლესია გადაურჩა დიოკლეტიანეს, ოსმალეთის უღელს, სტალინურ რეჟიმს და ხრუშჩოვის დევნას - როგორმე გადავურჩებით მინისტრ ტკაჩენკოსაც“, - ხაზგასმით აღნიშნა მთავარეპისკოპოსმა.
როგორც მჟკ წერდა, მთავარეპისკოპოსმა სილვესტერმა თქვა, რომ ბევრი მორწმუნე განწყობილია კიევ-პეჩორის ლავრის ბოლომდე დასაცავად.
