რომის პაპი: ომი უკრაინაში - უფრო თვალთმაქცობაა
პონტიფიკოსმა განაცხადა, რომ შეშფოთებულია ომის საშუალებით თვითგანადგურების ტენდენციით.
პაპმა ფრანცისკემ გამოხატა შეშფოთება ომის საშუალებით თვითგანადგურების გლობალური ტენდენციის გამო, იუწყება Vatican News. მან თვალთმაქცობა უწოდა საერთაშორისო ორგანიზაციების ქმედებებს, რომლებიც ლაპარაკობენ მშვიდობაზე და ამავდროულად იარაღის წარმოებას უჭერენ მხარს. „ჩვენ მშვიდობიან კონფერენციებს ვაწყობთ, მაგრამ ვაგრძელებთ მკვლელობის იარაღების წარმოებას. ევროპაში ყველაზე დიდი შემოსავალი იარაღის ქარხნებს აქვთ“, - აღნიშნა მან.
პონტიფიკოსმა დაგმო ის, რაც კონფლიქტის ზონებში ხდება და ბევრ ქმედებას „დანაშაულებრივი“ და ომის წარმოების ჩვეული წესების ფარგლებიდან გამოსული უწოდა. კერძოდ, მან მოიყვანა მშვიდობიან მისახლეებზე თავდასხმის მაგალითები და ხაზი გაუსვა, რომ მსგავს ქმედებებს არ აქვთ გამართლება. უკრაინაზე ლაპარაკის დროს, პაპმა ფრანცისკემ აღნიშნა გულწრფელი ძალისხმევის დეფიციტი მშვიდობიანი დარეგულირების საკითხში. „სასწრაფოდ აუცილებელია სამშვიდობო მოლაპარაკება, მაგრამ ნაცვლად ამისა განიხილავენ მეორეხარისხოვან საკითხებს“, - თქვა მან და დაამატა, რომ ფრონტზე უშვებენ ახალგაზრდა უკრაინელებს უთანასწორო ძალთა პირობებში.
პაპმა აგრეთვე ხაზი გაუსვა პირადი ეთიკისა და გულწრფელი დიალოგის მნიშვნელობას სამშვიდობო პროცესებში და აღნიშნა, რომ შეხვედრები მშვიდობის მისაღწევად ხშირად იმართება პირადი ინტერესების გათვალისწინებით. მისი სიტყვებით, ევროპული კავშირის ინსტიტუტები, რომლებსაც შეუძლია ხელი შეუწყონ დიალოგს, ბოლო დროს დასუსტდა. „თუ არ იქნება დიალოგი, მშვიდობაც არ იქნება“, - დაასრულა მან.
როგორც მჟკ იუწყებოდა, აშშ-ს სახდეპარტამენტში გააკრიტიკეს პაპის მოწოდება საშობაოდ უკრაინაში დაზავების შესახებ.
