ნორვეგიაში ლუთერანულ ეკლესიაში იოგას გაკვეთილები ტარდება
კურსის მონაწილეები აცხადებენ, რომ „თანამედროვე პოსტურალურ იოგას იყენებენ, როგორც ღმერთთან ურთიერთობის კულტის დამკვიდრების და გაღრმავების ინსტრუმენტს“.
ქალაქ ფრედრიკსტადში ნორვეგიის ლუთერანულმა ეკლესიამ დაიწყო იოგას გაკვეთილების შეთავაზება თავის ეკლესიაში ახალი წევრების მოსაზიდად.
გაკვეთილის ამსახველი ვიდეო ეკლესიის ფეისბუქის გვერდზე გამოქვეყნდა. ეს გვიჩვენებს, რომ იოგას გაკვეთილები ტარდება ტაძარში, საკურთხევლის წინ. ამან მომხმარებელთა შორის აქტიური დისკუსია გამოიწვია.
ზოგიერთმა კომენტატორმა მკაცრად გააკრიტიკა ინიციატივა და უწოდა "ღია კარი ჯოჯოხეთისკენ". სხვები ადიდებდნენ ეკლესიას ახალი ხალხის მოზიდვისა და ტაძარში სიცოცხლის შთაბერვის მცდელობისთვის.
დიდი ალბათობით, საუბარია პროექტზე, რომელიც თავს „ქრისტიანულ იოგას“ უწოდებს - CrossYoga Norge.
პროექტის გვერდზე ნათქვამია: „ჩვენ ვიყენებთ თანამედროვე პოსტურალურ იოგას, როგორც ღმერთთან ჩვენი ურთიერთობის დამყარების და გაღრმავების ინსტრუმენტს“.
მანამდე მჟკ წერდა, რომ ესპანეთში კათოლიკე მონაზვნები საკურთხეველზე ცეკვავდნენ.
