პატრიარქი ბართლომე: 1054 წელს რომსა და კონსტანტინოპოლს შორის განხეთქილება არ ყოფილა
კონსტანტინოპოლის პატრიარქის აზრით, მართლმადიდებლებად და კათოლიკებად დაყოფა უახლოეს წლებში გაქრება.
2025 წლის 12 მარტს კონსტანტინოპოლის პატრიარქი ბართლომე სტამბულში ბერძნულ-კათოლიკური ეკლესიის მელქიტელ პატრიარქ გრიგოლ III-სთან საუბრის დროს ყვებოდა იმ თეორიის შესახებ, რომლის თანახმადაც 1054 წელს რომსა და კონსტანტინოპოლს შორის ნამდვილი განხეთქილება არ ყოფილა, - წერს сatholicnewsagency.
მისი სიტყვებით, უფრო სწორად, „იყო დაძაბულობა, რომელიც დროთა განმავლობაში გაძლიერდა“. თუმცა, როგორც ბართლომემ აღნიშნა, ეს დაძაბულობა „გადაულახავი არ არის“.
გრიგოლ III სტამბულში ჩამოვიდა მომლოცველთა ჯგუფთან ერთად, რომლებიც მონაწილეობდნენ გერმანული საზოგადოების მიერ წმინდა მიწის მოლოცვაში. მოლოცვის საბაბი გახდა 1700 წელი ნიკეის კრებიდან, რომელიც გაიმართა 325 წელს.
„რა თქმა უნდა, ათასი წლის განმავლობაში უამრავი პრობლემა დაგროვდა. მაგრამ იმედი გვაქვს, რომ ისინი უახლოეს წლებში მოგვარდება, - ხაზი გაუსვა პატრიარქმა. - ყველაფერი ღვთის ხელშია. მან უკვე განუმზდა ჭეშმარიტი მომავალი ჩვენს ეკლესიებს“.
შეგახსენებთ, პატრიარქმა ბართლომემ განაცხადა, რომ ის ეცდება ერთობლივი აღდგომის აღნიშვნას კათოლიკებთან და ანგლიკანებთან ერთად.
